Tuesday, July 23, 2024

/

घरपट्टीबाबत मालमत्ताधारकांना खुशखबर!

 belgaum

महापालिकेकडून आगाऊ घरपट्टी भरणार्‍या मालमत्ताधारकांना 5 टक्के सवलत देण्यात येते. मागील वर्षी लॉकडाऊनमुळे जुलै महिन्यापर्यंत मुदतवाढ करण्यात आली. पण सवलतीची मुदत वाढविण्यापूर्वी अनेक मालमत्ताधारकांनी घरपट्टी जमा केली होती. मात्र घरपट्टी जमा केलेल्या मालमत्ताधारकांनाही सवलत देण्याचा निर्णय नगरविकास खात्याने घेतला आहे. कोरोना व लॉकडाउनमुळे आर्थिक संकटात सापडलेल्या मालमत्ताधारकांना नगरविकास खात्याने घरपट्टीवर 5 टक्के सवलत दिली आहे. ही सवलत 20 मार्चपर्यंत असणार आहे.  त्यामुळे 2020-21 आर्थिक वर्षाची घरपट्टी भरणा न केलेल्या मालमत्ताधारकांनी एक महिन्याच्या आत घरपट्टी जमा केल्यास 5 टक्के सवलतीचा लाभ मिळणार आहे.

 

एप्रिल महिन्यात आर्थिक वर्षाची घरपट्टी आगाऊ भरणार्‍या मालमत्ताधारकांना घरपट्टीच्या रकमेवर 5 टक्के सवलत देण्यात येते. ही सवलत केवळ एक महिन्याच्या कालावधीकरिता लागू असते. परंतु मागील वर्षी कोरोनामुळे शहरात लॉकडाऊन करण्यात आले होते. यासोबत व्यवसायही बंद ठेवण्यात आल्याने शहरवासियांची आर्थिक स्थिती बिकट बनली होती. त्यामुळे एप्रिल महिन्यात घरपट्टी जमा करणे अशक्य बनले होते. त्यामुळे 5 टक्के सवलतीच्या मुदतीत वाढ करण्याची मागणी करण्यात आली होती. याबाबत माजी नगरसेवक संघटनेनेदेखील नगरविकास खात्याला निवेदन दिले होते.त्यामुळे 5 टक्के सवलतीच्या मुदतीत जुलै अखेरपर्यंत वाढ करण्यात आली. मात्र, 5 टक्के सवलतीच्या मुदतीत वाढ करण्याचा निर्णय विलंबाने झाल्याने असंख्य मालमत्ताधारकांना सवलतीचा लाभ मिळाला नाही. त्यामुळे संपूर्ण घरपट्टी जमा केलेल्या मालमत्ताधारकांना 5 टक्के सवलत देण्याचा निर्णय नगरविकास खात्याने घेतला आहे.

 

 

घरपट्टी भरणा केलेल्या मालमत्ताधारकांना पुढील वर्षीच्या घरपट्टीत 5 टक्के सवलतीची रक्कम वजा करण्याची सूचना महापालिकेला केली आहे. तसेच 2020-21 या आर्थिक वर्षाची घरपट्टी जमा करणार्‍या मालमत्ताधारकांसाठी 5 टक्के सवलतीचा लाभ देण्यात येणार आहे. सध्या एक महिन्याकरिता 5 टक्के सवलत देण्यात येणार असून शंभर टक्के घरपट्टी वसुलीच्या उद्दिष्टपूर्तीसाठी नगरविकास खात्याने सवलतीची मुदत वाढविली आहे.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.