बेळगावच्या सीआयडी पथकाचे पोलीस इन्स्पेक्टर एस. के. कुरगोडी यांच्या नेतृत्वाखाली गांजा विक्री करणाऱ्यावर कारवाई करण्यात आली आहे.
गांजा विक्री करण्यात येत असल्याची माहिती मिळताच बेळगाव शहराच्या मार्केट पोलीस स्थानकाच्या व्याप्तीतील अयोध्या नगर येथील यु. के. २७ या हॉटेल जवळ असलेल्या परिसरात धाड टाकून गांजा विक्री करणाऱ्या आकिब जावेद मणियार (वय २७) या आरोपीला अटक करण्यात आली आहे.
त्याच्याजवळील ६१० किलोग्रॅम वजनाचा अंदाजे १२२००/- रुपये किंमतीचा गांजा जप्त करण्यात आला आहे. यासोबतच एक दुचाकी वाहन तसेच ५३० रुपये रोख हस्तगत करण्यात आले आहेत. या प्रकरणाची नोंद सीआयएन पोलीस स्थानकात करण्यात आली असून या कारवाईत सीआयडी एनडीसी बेळगाव युनिटचे अधिकारी लक्ष्मण हुंडरद, डिटेक्टिव्ह सबइन्स्पेक्टर आणि सहकारी जगदीश एम. बागनवर, जी. आर. शिरसिंग, पी. एच. दावणगेरे, चिदंबर चट्टरकी यांनी सहभाग घेतला.
सी आय डी पथकाची दुसरी कारवाई
बेळगावच्या सीआयडी पथकाचे पोलीस इन्स्पेक्टर एस. के. कुरगोडी यांच्या नेतृत्वाखाली गांजा विक्री करणाऱ्यावर कारवाई करण्यात आली आहे. गांजा विक्री करण्यात येत असल्याची माहिती मिळताच शहरातील यंदे खूट परिसराजवळ, धर्मवीर संभाजी चौक परिसरात धाड टाकून गांजा विक्री करणाऱ्या
सैफअली माडीवाले (वय २७) या आरोपीला अटक करण्यात आली असून त्याच्याजवळील ५२० किलोग्रॅम वजनाचा अंदाजे १०४००/- रुपये किंमतीचा गांजा जप्त करण्यात आला आहे. यासोबतच एक दुचाकी वाहन तसेच ७२०/- रोख रुपये हस्तगत करण्यात आले आहेत. या प्रकरणाची नोंद सीआयएन पोलीस स्थानकात करण्यात आली असून ही कारवाई सीआयडी एनडीसी बेळगाव युनिटचे अधिकारी लक्ष्मण हुंडरद, डिटेक्टिव्ह सबइन्स्पेक्टर आणि सहकारी जगदीश एम. बागनवर, जी. आर. शिरसिंग, पी. एच. दावणगेरे, चिदंबर चट्टरकी यांच्या सहभागाने यशस्वी झाली आहे.
