देशातील कोरोनाचे संकट दूर होऊन जनतेचे आरोग्य चांगले राहावे यासाठी पाटील गल्ली येथील श्री शनेश्वर मंदिरात पूजा आणि यज्ञ करण्यात आला.केंद्रीय रेल्वे राज्यमंत्री सुरेश अंगडी यांच्या हस्ते पूजा आणि यज्ञाचा संकल्प करण्यात आला.
यावेळी मंत्री सुरेश अंगडी यांच्या हस्ते संकल्प करून यज्ञाला प्रारंभ करण्यात आला.देशातील कोरोनाचे संकट दूर व्हावे,देशातील उद्योग व्यवसायाला पूर्वीप्रमाणे उर्जितावस्था प्राप्त व्हावी ,कोरोना वारियर्सना कोरोनाशी लढण्यासाठी बळ मिळुदे ,बळीराजाला यावर्षी चांगले पीकपाणी मिळुदे, यावर्षी पर्जन्यमान चांगले होऊदे,देशात सुबत्ता नांदूदे ,विद्यार्थ्यांना त्यांच्या शिक्षणात उज्ज्वल यश मिळुदे असा संकल्प करून यज्ञाला प्रारंभ करण्यात आला.गणेश पूजन,नवग्रह पूजन देखील यावेळी करण्यात आले.
संकल्प केल्यावर मंत्री सुरेश अंगडी यांनी मंदिरात जावून देशातील कोरोनाचे संकट दूर होऊदे आणि देशाची सर्व क्षेत्रात भरभराट व्हावी अशी प्रार्थना केली.यावेळी बुडा अध्यक्ष,शनी मंदिराचे ट्रस्टी आनंद अध्यापक,प्रकाश अध्यापक,संजीव अध्यापक,विलास अध्यापक,श्रीकांत अध्यापक ,विक्रम आनंदाचे,अजित नाईक उपस्थित होते.यावेळी मंदिराच्या वतीने गरीब कुटुंबाना जीवनावश्यक वस्तूंचे वितरण मंत्री सुरेश अंगडी यांच्या हस्ते करण्यात आले.पूजा आणि यज्ञाचे पौरोहित्य रमेश करविनकोप यांनी केले.
