कोरोना संशयितांची अर्थात काॅरन्टाईन रुग्णांची संख्या वाढत असल्याने नागरिकांनी घाबरून जाण्याची गरज नाही उलट जितक्या जास्त व्यक्ती काॅरन्टाईन केल्या जातील कोरोनाचा धोका तितका कमी होणार आहे, अशी माहिती बेळगाव जि. पं. मुख्य कार्यकारी अधिकारी (सीईओ) राजेंद्र यांनी दिली.
बेळगाव जिल्हा आणि शहरातील कोरोना विषाणू प्रादुर्भावाच्या पार्श्वभूमीवर कंटेनमेंट झोन, कोरोना तपासणी, क्वारंटाईन आदींसंदर्भात “बेळगाव लाईव्ह”शी बोलताना सीईओ जगदीश के. एच. यांनी उपरोक्त माहिती दिली.
क्वारंटाईन केलेल्या कोरोना संशयित रुग्णांच्या वाढत्या संख्येमुळे घाबरून जाण्याची कारण नाही. कारण जितक्या जास्त संशयितांवर उपचार केले जातील तितका कोरोना प्रादुर्भावाचा धोका कमी होणार आहे. यासाठी प्रायमरी कॉन्टॅक्टस् असलेल्यांचे 14 दिवस क्वारंटाईन केले जाते. या काळात त्यांच्या आरोग्याची बारकाईने काळजी घेऊन त्यांच्यावर आवश्यक उपचार केले जातात. त्यानंतर 24 तासात दोन वेळा त्यांचे स्वॅबचे नमुने घेऊन कोरोना तपासणी केली जाते. या दोन्ही तपासण्या निगेटीव्ह आल्या तरच त्यांना घरी होम क्वारंटाईनसाठी पाठविले जाते.
याप्रमाणेच सेकंडरी कॉन्टॅक्टस् असलेल्यांची कोरोना तपासणी केली जाते. मात्र सेकंडरी क्वारंटाईन असलेल्यांचा क्वारंटाईन कालावधी 12 दिवसांचा असतो, असे सीईओ राजेंद्र यांनी सांगितले.
प्रायमरी कॉन्टॅक्टस् प्रमाणे एखादी व्यक्ती कोरोना पॉझिटिव्ह आढळून आली तर सर्वप्रथम त्या व्यक्तीला 14 दिवसासाठी मान्यताप्राप्त हॉस्पिटलमध्ये काॅरन्टाईन केले जाते. उपचाराचा हा कालावधी समाप्त झाल्यानंतर त्याच्या घशातील स्त्रावाची अर्थात स्लॅबची 24 तासाच्या अंतराने दोन वेळा कोरोना तपासणी केली जाते. या दोन्ही तपासणीत संबंधित व्यक्ती कोरोना निगेटिव्ह आली तरच तिला होम क्वारंटाईन साठी हॉस्पिटलमधून डिस्चार्ज दिला जातो अन्यथा नाही, अशी माहिती जि. पं. जगदीश के. एच. यांनी दिली.
