‘गोहत्या बंदी’ संदर्भात जनजागृती करण्यासाठी बेळगाव रोलर स्केटिंग अकॅडमीतर्फे रविवार दि. 5 जानेवारी 2020 रोजी 14 वर्षीय कु. यशपाल चोगसिंग पुरोहित याचा सलग 7 तास स्केटिंगचा उपक्रम राबविण्यात येणार आहे.
लिंगराज महाविद्यालय आवारातील केएलई सोसायटीच्या स्केटिंग रिंकवर रविवारी सकाळी 9:30 ते सायंकाळी 4:30 या कालावधीत हा स्केटिंग उपक्रम होणार आहे. शहरातील युनिक स्पोर्ट्स अकॅडमी, रोटरी क्लब ऑफ वेणूग्राम, जायंट्स ग्रुप ऑफ बेलगाम परिवार, मारवाडी युवा मंच बेळगाव, मारवाडी उडान युथ विंग, कोल्हापूर कन्या मंडळ, श्री खेतेश्वर युवा सेवा संघ बेळगाव, स्विमर्स क्लब बेळगाव, एक्वेरियस स्विम क्लब बेळगाव आणि बेळगाव रोलर स्केटिंग अकॅडमी यांच्या संयुक्त सहकार्याने हा उपक्रम होणार आहे.
यशपाल हा शहरातील ज्ञान मंदिर इंग्लिश मीडियम स्कूलचा विद्यार्थी आहे. तरी क्रीडाप्रेमींसह शहरवासीयांनी मोठ्या संख्येने उपरोक्त उपक्रमास उपस्थित राहून कु. यशपाल पुरोहित याला प्रोत्साहित करावे, असे आवाहन स्केटिंग प्रशिक्षक सूर्यकांत हिंडलगेकर यांनी केले आहे.
