डिसेंबरमध्ये एस.के.ई. सोसायटीचा अमृतमहोत्सवी वर्ष समारंभ

शिक्षण क्षेत्रात आघाडीवर असलेल्या एसकेई सोसायटीला यंदा ७५ वर्षे पूर्ण होत आहेत. या निमित्त डिसेंबरमध्ये ‘अमृतमहोत्सव’ समारंभ आयोजित करण्यात आला आहे. व्यापक प्रमाणात होणारा हा कार्यक्रम दोन दिवस चालेल. त्याची सुरुवात शनिवार २१ डिसेंबर रोजी होणार आहे.

२१ डिसेंबरचा कार्यक्रम माजी विद्यार्थ्यांसाठी असून या समारंभात एसकेई सोसायटीच्या आरपीडी, जीएसएस कॉलेज तसेच ठळकवाडी हायस्कूलसह अन्य शिक्षण संस्थांचे माजी विद्यार्थी मोठ्या संख्येने सहभागी होणार आहेत. जुन्या आणि नव्या विद्यार्थ्यांचा हा अनोखा संगम पाहायला मिळणार आहे.

सकाळी नाव नोंदणीनंतर नाश्ता, भोेजन आणि सांस्कृतिक कार्यक्रमांची मेजवानी असणार आहे. माजी विद्यार्थ्यांसाठी विविध इव्हेंट असतील. यामध्ये फोटो गॅलरी, सेल्फी कॉर्नर असे जुन्या-नव्या आठवणींना उजाळा देणारे उपक्रम असतील. रविवार २२ डिसेंबर रोजी संध्याकाळी जाहीर कार्यक्रम होणार आहे. यावेळी विविध मान्यवर विचार मांडणार आहेत. यानंतर नामांकित नर्तक पार्श्‍वनाथ उपाध्ये आणि समूहाचा नृत्याचा कार्यक्रम होईल.

माजी विद्यार्थ्यांनी २१ डिसेंबर रोजीच्या कार्यक्रमात सहभागासाठी www.skesocietybgm.org या वेबसाईटवर नावनोंदणी करायची आहे. अधिक माहितीसाठी खालील शिक्षक/प्राध्यापकांशी संपर्क साधण्याचे आवाहन सोसायटीतर्फे करण्यात आले आहे.
आरपीडी पदवी महाविद्यालय-प्रा. प्रसन्ना जोशी (मो. नं. ९८४४५२२००५), आरपीडी पदवीपूर्व कॉलेज-प्रा. पवन कुमार (मो. नं. ८९०४७३१९५०), जीएसएस पीयू
कॉलेज-प्रा. एस. एन. देसाई (मो. ९४४८८७५६२०), जीएसएस पदवी कॉलेज-प्रा. बी. एम. तोपिनकट्टी (मो. ९४४८८७५४२९), एम. आर. भंडारी स्कूल-श्‍वेता चिकमठ (मो. ९६६३३९३९९३), स्वाध्याय मंदिर-समीर जोशी (मो. ९४४८७५८३९६), ठळकवाडी हायस्कूल- सी. वाय. पाटील (मो. ९९८०४३२७९३), व्ही. एम. शानभाग स्कूल-अभिजीत देशपांडे (मो. ८०७३९०८५३४), एसकेई स्पोर्टस् ऍकॅडमी-रामकृष्ण एन. (मो. ९९८६१०८३६९).