मालवाहू ट्रकने दुचाकीला दिलेल्या धडकेत दुचाकीवरील एक जण जागीच ठार तर एक जण किरकोळ जखमी झाल्याची घटना मंगळवारी दुपारी अडीच च्या सुमारास संचयनी सर्कल जवळ घडली आहे.एडविन रॉकी मस्करेनस वय 50 रा.गोमटेश कॉलनी पिरनवाडी बेळगावअसे या अपघातात मयत झालेल्याचे नाव आहे तर दुचाकीवर मागे बसलेला नागेश गजानन पाटील वय 51 रा.पाटील गल्ली वडगांव हा जखमी झाला असून त्याला सिव्हिल इस्पितळात उपचारासाठी दाखल करण्यात आले आहे.
रहदारी दक्षिण पोलिसांनी दिलेल्या माहितीनुसार एडविन आणि गजानन हे दोघेही मित्र होते माजी सैनिक होते गोंधळी गल्लीत एडविन यांच्या मुलाला भेटून ते पिरनवाडी कडे परतत होते त्यावेळी संचयनी सर्कल उभ्या मारुती जवळ असताना मालवाहू ट्रकने पाठीमागून जोराची धडक दिली त्यात एडविनच्या अंगावरून एक चाक गेल्याने त्याचा घटनास्थळीच मृत्यू झाला तर गजानन किरकोळ जखमी झालेत रहदारी दक्षिण पोलिसांत या घटनेची नोंद झाली आहे.
अपघात होताच घटनास्थळी बघ्यांची मोठया प्रमाणात गर्दी झाली ट्राफिक जाम होऊ नये म्हणून पोलिसांनी रहदारी नियंत्रण केलं.बेळगावं शहरात अवजड वाहनांने धडक दिल्याने गेल्या 24 तासाच्या आत मयत झालेली ही दुसरी घटना आहे.सोमवारी सायंकाळी किल्ला सर्कल जवळ अशोक स्तंभा जवळ टिप्परने दुचाकीला दिलेल्या धडकेत मूळचा उत्तरप्रदेशचा सध्या गांधीनगर येथे वास्तव्यास असलेला युवक ठार झाला होता विश्वजीतकुमार करण सिंह वय 22 रा.उत्तर प्रदेश असे त्याचे नाव होते.
या वाढत्या अपघातावर नियंत्रण आणण्यासाठी शहरांत ये जा करणारी अवजड वाहनांवर बंदी करण्याची गरज निर्माण झाली आहे.
Belgaum live.com खुप छान साईट आहे मुख्य बातम्या लवकरात लवकर कळतात. सर्व वर्किंगग स्टाफला धन्यवाद. देसुरकर