रिक्षांचा बंद आणि आपापल्या मुलांना घेऊन जाण्यासाठी पालकांची व त्यांच्या वाहनांची गर्दी यामुळे आज शहराने प्रचंड ट्रॅफिक जाम चा अनुभव घेतला आहे.
कॅम्प येथील बुडापा घर, ग्लोब सर्कल, रेल्वे ओव्हर ब्रिज ते आरपीडी सर्कल पर्यंत ट्रॅफिक जाम झाले होते.एकाचवेळी सुटलेल्या शाळा आणि विद्यार्थ्यांची वाहनांची गर्दी यामुळे ही परिस्थिती ओढवली होती.
मात्र रिक्षांचा बंद ला कारणीभूत ठरलेल्या पोलीस प्रशासनाला याचे भान नव्हते. त्यामुळे अडकलेली रहदारी सोडवण्यासाठी पोलिसांचा अभाव जाणवत होता.
गोवा आणि महाराष्ट्र पासिंग च्या गाड्या अडवून दंड घेणाऱ्या पोलिसांनी या समस्येकडेही लक्ष द्यावे ही मागणी होत आहे.बेळगाव शहरातला काँग्रेस रोड बंद आहे. त्यामुळे वाढीव वाहनांचा फटका रहदारीवर बसत असून याकडे पोलीस आयुक्त व इतर वरिष्ठ पोलीस अधिकाऱ्यांनी लक्ष देण्याची मागणी आहे.
