कित्तुर येथील शिवा पेट्रोल खून प्रकरणाचा छडा लावण्यात पोलिसांना यश आले आहे गेल्या 15 मे रोजी पेट्रोल पंपवर झोपलेल्या दोघा युवकांचा खून करत पंपावरील एक लाख रुपये लुटल्याची घटना घडली होती.दहा दिवसांत कित्तुर डबल मर्डर सोडवण्यात पोलिसांना यश आले आहे.
या प्रकरणी धारवाड तालुक्यातील कलापूर गावच्या भिमाप्पा मल्लप्पा तिर्थप्पानावर वय 24 यास हे दोन्ही खून केल्या प्रकरणी अटक केली आहे.
शिवा पेट्रोल पंपावर रातपाळी करणाऱ्या मंजुनाथ पट्टणशेट्टी आणि मुश्ताक बिडी यांचा तीक्ष्ण हत्त्याराने वार करून खून करण्यात आला होता. या खून प्रकरणाचा तपास करत पोलिसांनी दहा दिवसांत संशयित आरोपीला अटक केली आहे.
सदर खून पैश्यासाठी झाला असल्याचा जबाब आरोपीने पोलीस तपासात कबुल केला आहे.
पेट्रोल पंपावर पूर्ण रात्री प्लॅन करून संधी साधून पहाटे तीन च्या सुमारास दोघांचा खून केला आहे अशी माहिती जिल्हा पोलीस प्रमुख सुधीर कुमार रेड्डी यांनी दिली आहे.खून करण्यासाठी वापरलेले साहित्य पोलिसांनी जप्त केले आहे.
सदर खून प्रकरण लवकर सोडवल्याने कित्तुर पोलीस निरीक्षक राघवेंद्र आणि उपनिरीक्षकासह इतर पोलिसांचे जिल्हा अभिनंदन पोलीस अधीक्षक सुधीरकुमार रेड्डी यांनी केले आहे.
