बेळगाव उत्तर च्या माजी आमदाराचा अपप्रचार करत असल्याच्या आरोप करत एका सामाजिक कार्यकर्त्यास अर्धनग्न करून मारहाण केल्याची घटना घडली आहे.
आज सकाळी साडेआठच्या सुमारास ही घटना घडली. महमदरफिक देसाई (५0, रा. चन्नम्मा सोसायटी, श्रीनगर) असे मारहाण झालेल्या सामाजिक कार्यकर्त्याचेच नाव आहे. त्याला प्रथम सिव्हील हॉस्पिटल परिसरात त्यानंतर चन्नम्मा चौकात मारहाण करण्यात आली. तेथून जिल्हाधिकारी कार्यालयात नेऊनही त्यांना मारहाण करण्यात आली.
याबाबत देसाई यांनी एपीएमसी पोलिसांत फिर्याद दिली आहे. माजी आमदार फिरोज शेठ यांचा अपप्रचार करत असल्याच्या रागातून ही मारहाण झाल्याचे देसाई यांनी म्हटले आहे. या प्रकरणी तौसिफ अलवाडकर, अबु मुल्ला, इम्तियाज या तिघांसह सुमारे 25 जणांविरोधात एपीएमसी पोलिसांत फिर्याद दाखल करण्यात आली आहे.
देसाई हे रोज हजारो रुग्ण आणि त्यांच्या कुटुंबाला सिव्हील हॉस्पिटल परिसरात मोफत जेवण देतात, यामुळे ते प्रसिद्ध असून माजी आमदाराच्या विविध कृष्ण कृत्याबद्दल ते आरोप करत असतात यामुळेच त्यांची ही अवस्था झाली आहे. आपण मानव हक्क आयोग व निवडणूक आयोगाकडे ही तक्रार करणार आहे असे त्यांनी सांगितले.
आज सकाळी साडेआठच्या सुमारास ते जिल्हा रूग्णालय आवारात नाष्टा देण्यासाठी स्वतःच्या मालकीच्या मोटारीतून आले. यावेळी संशयितांसह सुमारे २५ जणांनी त्यांना मारहाण केली असेही त्यांनी फिर्यादीत म्हटले आहे.
