बेळगाव शहरात अनेक संस्था आहेत, दर वर्षी तेच तेच प्रोजेक्ट करत असतात, त्यात बदल करा आणि महिलांनी स्वतःच्या आरोग्यबरोबर इतरांच्या आरोग्याकडेही लक्ष द्या, असे उदगार मोनिका सावंत यांनी काढले, त्या जायंट्स ग्रुप ऑफ बेलगाम सखी च्या अधिकार ग्रहण समारंभात बोलत होत्या.
व्यासपिठावर जायंट्स मेन चे अध्यक्ष उमेश पाटील, कोल्हापूर जायंट्स फेडरेशनच्या माजी अध्यक्षा मंगला कुलकर्णी, प्रमुख पाहुण्या डॉ सुरेखा पोटे, प्रमुख वक्त्या लायन्स क्लबच्या उपप्रांतपाल मोनिका सावंत , जायंट्स इंटरनॅशनल चे स्पेशल कमिटी मेंबर मोहन कारेकर,आमदार संभाजीराव पाटील होते.
त्या बोलताना पुढे म्हणाल्या की जायंट्स सखी च्या सदस्यांनी हेल्थ चेकअप ला प्रथम प्राधान्य द्या, वेगवेगळ्या भागात असे कॅम्प आयोजित करा आम्ही तुम्हाला सहकार्य करू असे सांगितले,
कार्यक्रमाची सुरुवात जायंट्स च्या प्रार्थनेने झाली, त्यानंतर कोल्हापूर जायंट्स फेडरेशनच्या माजी अध्यक्षा मंगला कुलकर्णी यांनी सर्व प्रथम जायंट्स सखी च्या बोर्ड ऑफ डायरेक्टर्स ना प्रथम शपथ दिली, नंतर सर्व सदस्यांना शपथ देऊन सर्वाना पिन आणि किट प्रदान करण्यात आले.
नुतन अध्यक्ष ज्योती अनगोळकर यांनी आपले मनोगत व्यक्त केले.
यावेळी बोलताना डॉ सुरेखा पोटे म्हणाल्या जायंट्स मेन चे कार्य खूप चांगले चालले आहे, ते बघूनच जायंट्स सखी हि महिलांची संघटना तयार झाली, त्याना कोणत्याही वेळी माझ्याकडून हेल्थ चेकअप साठी कोणतेही सहकार्य करावयास तयार आहे असे त्या म्हणाल्या.
मोहन कारेकर यांनी संस्थेबद्दलची सविस्तर माहिती दिली.
आमदार संभाजीराव पाटील यांनीही आपले मनोगत व्यक्त करून शुभेच्छा दिल्या,
यावेळी उज्वला संभाजीराव पाटील यांनी आपला मरणोत्तर देहदानाचा संकल्प केला, त्यांच्या बरोबर पुष्पा गावडे, विजया गुरव, आणि शिंदे यांनीही आपली मरणोत्तर देहदनाची तयारी दाखवली.
प्रास्ताविक करताना मदन बामणे यांनी सर्व प्रथम उपस्थितांचे स्वागत करून सांगितले की अनेक महिलांनी आमच्याकडे कार्य करण्यासाठी इच्छा प्रदर्शित केली, त्यामुळे महिलांसाठी जायंट्स सखी ची स्थपना केली.
महादेव पाटील यांनी नेत्रदान व देहदनाच्या संदर्भात सविस्तर माहिती दिली,
यावर बोलताना मोनिका सावंत यांनी यासाठी काय करावे लागेल ते व्यवस्थित सांगितले, आणि केव्हाही मला फोन करा मी तुम्हाला मदत करेन असे सांगितले.
पाहुण्यांचा परिचय राधिका कलघटगी यांनी करून दिला,
कार्यक्रमाचे सूत्रसंचालन आरती शहा यांनी केले.
स्नेहल चिकोर्डे यांनी आभार मानले आणि राष्ट्रगीताने कार्यक्रमाची सांगता झाली.
यावेळी महिला आणि जायंट्स मेन चे सदस्य बहूसंख्येने उपस्थित होते,
बातमी लेखन-महादेव पाटील
