Monday, July 15, 2024

/

तनिष्का कालभैरव हिची असामान्य कामगिरी

 belgaum

बेळगाव लाईव्ह :बेळगावची होतकरू प्रतिभावंत टेबल टेनिसपटू तनिष्का कपिल कालभैरव हिने नुकत्याच पार पडलेल्या कर्नाटक राज्य मानांकन टेबल टेनिस स्पर्धेमध्ये प्रारंभापासून वर्चस्व राखत तिहेरी मुकुट हस्तगत केला आहे.

या पद्धतीने अवघ्या महिन्याभरात दुसऱ्यांना राज्यस्तरावर तिहेरी विजेते पद मिळवण्याची असामान्य कामगिरी करणाऱ्या तनिष्काने गेल्या जूनमध्ये राज्य क्रमवारीत 3 सुवर्णपदके मिळवली होती.

नुकत्याच पार पडलेल्या कर्नाटक राज्य मानांकन टेबल टेनिस स्पर्धेमध्ये 13 वर्षांखालील श्रेणीच्या अंतिम फेरीत तनिष्काने प्रतिस्पर्धी इरेन अण्णा सुभाष हिचा 11-1,11-3,11-1 असा पराभव केला.

15 वर्षांखालील श्रेणीच्या अंतिम फेरीत तनिष्का हिने प्रतिस्पर्धी हिया सिंग हिच्यावर 11-13,6-11,11-9,11-4,11-5 गुणांनी विजय मिळवला. तसेच 17 वर्षांखालील गटच्या अंतिम फेरीत तनिष्काने प्रतिस्पर्धी पर्णवी हिला 11-5,11-5,11-4 असे नमविले.Tanishka

सोनाली कालभैरव हिच्याकडून प्रचंड प्रोत्साहन लाभत असलेली तनिष्का बेळगावच्या संगम बैलूर अकादमीमध्ये टेबल टेनिस खेळाचे प्रशिक्षण घेते. तिला माजी नामवंत टेबल टेनिसपटू संगम बैलूर यांचे मार्गदर्शन तसेच आई-वडिलांसह तिच्या शाळेच्या मुख्याध्यापिका रोसमना आणि डिव्हाईन प्रोव्हिडन्स स्कूलमधील सर्व शिक्षकांचे प्रोत्साहन मिळत आहे.

राज्यस्तरीय टेबल टेनिस स्पर्धेमध्ये सलग दुसऱ्यांदा तीन विजेतेपद मिळवण्याचा पराक्रम केल्याबद्दल यशाबद्दल तनिष्का कपिल कालभैरव तिचे शाळेसह क्रीडा क्षेत्रात अभिनंदन होत आहे.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.