Monday, July 15, 2024

/

नियमबाह्यपणे डोनेशन घेणाऱ्या शाळांवर होणार कारवाई!

 belgaum

बेळगाव लाईव्ह : शालेय प्रवेशावेळी नियमबाह्य डोनेशन आकारणाऱ्या शाळांसाठी जिल्हाधिकाऱ्यांनी महत्वपूर्ण निर्णय घेतला असून शाळांमध्ये मुलांच्या प्रवेशासाठी कोणत्याही प्रकारची देणगी स्वीकारता येणार नसल्याचे नमूद केले आहे.

जिल्ह्यातील अनुदानित किंवा विनाअनुदानित शाळांमध्ये मुलांच्या प्रवेशासाठी नियमबाह्यपणे देणग्या घेतल्याचे आढळून आल्यास त्यांच्यावर कडक कारवाई करण्यात येईल, असा इशारा जिल्हाधिकारी डॉ. नितेश पाटील यांनी दिला आहे.

२०२४-२५ या शैक्षणिक वर्षासाठी प्रवेश प्रक्रिया सुरु झाली आहे. दरम्यान काही शाळांतून भरमसाट डोनेशन घेऊन पालकांना वेठीला धरण्याचा प्रकार सुरु आहे. यासंदर्भात काही पालकांनी जिल्हाधिकाऱ्यांकडे तक्रार केली असून यावर जिल्हाधिकाऱ्यांनी महत्वपूर्ण निर्णय घेत नियमानुसार शासनाने निश्चित केलेले शुल्क घेऊनच प्रवेश द्यावा, बेकायदेशीररीत्या देणगीदाखल रक्कम आकारल्यास आणि तसे आढळल्यास आर.टी.ई. कायद्यानुसार अशा शाळांची नोंदणी रद्द करण्याची कारवाई करण्यात येईल, असा इशाराही जिल्हाधिकाऱ्यांनी दिला आहे.

पालक व जनतेच्या माहितीसाठी प्रत्येक शाळेने आपल्या सूचना फलकावर प्रवेश शुल्काची स्पष्ट माहिती लावावी, शिक्षण हक्क कायदा – २००९ च्या कलम – २ (बी) नुसार सर्व खाजगी शाळांनी अधिसूचित शुल्क त्यांच्या शाळेच्या संकेतस्थळावर तसेच शाळेच्या सूचना फलकावर आणि स्टुडन्ट अचिएव्हमेंट ट्रॅकिंग सिस्टिम वर पालक आणि जनतेच्या माहितीसाठी उपलब्ध करून देणे आवश्यक आहे, असेही जिल्हाधिकाऱ्यांनी नमूद केले.Nitesh patil dc

जिल्ह्यातील कोणत्याही शाळेने देणगी मागितल्यास किंवा तसे आढळून आल्यास तात्काळ जिल्हाधिकारी कार्यालय किंवा शालेय शिक्षण उपसंचालक कार्यालयाकडे (डीडीपीआय) तक्रार करावी, असे सुचविले आहे.

जिल्हाधिकाऱ्यांनी घेतलेल्या या महत्वपूर्ण निर्णयामुळे पालक व सर्वसामान्यांना प्रवेश शुल्काबाबत माहिती मिळण्यास मदत होणार असून प्रवेश प्रक्रियेबाबतचा संभ्रम दूर होणार असून जिल्हाधिकाऱ्यांच्या या निर्णयाबद्दल पालकातून समाधान व्यक्त करण्यात येत आहे.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.