Friday, May 24, 2024

/

कर्नाटक युवा निधीसाठी अर्ज कसा कराल?

 belgaum

बेळगाव लाईव्ह:राज्यातील सत्ताधारी काँग्रेस पक्षाने निवडणुकी वेळी दिलेल्या आपल्या पाच आश्वासनांपैकी बेरोजगार पदवीधर आणि पदविका धारकांना बेरोजगार भत्ता हे एक आश्वासन आहे. या आश्वासनाची पूर्तता आता केली जात असून कर्नाटक सरकारच्या युवा निधी योजनेसाठी नाव नोंदणी प्रक्रिया सुरू होत आहे. सदर नोंदणी प्रक्रिया येत्या 1 जानेवारी 2024 पासून प्रारंभ होत असून इच्छुकांनी सेवा सिंधू वेबसाईटवर नांव नोंदणी करायची आहे. सदर योजनेअंतर्गत सरकार राज्यातील पदवीधर असूनही बेरोजगार असलेल्यांना आर्थिक सहाय्य करणार आहे.

युवा निधी योजनेअंतर्गत राज्यातील नोकरी -धंदा नसलेल्या पदवीधरांना मासिक 3000 रुपये आणि पदविका धारकांना (डिप्लोमा होल्डर) 1500 रुपये बेरोजगार भत्ता दिला जाईल. भत्त्याची रक्कम लाभार्थीच्या थेट बँक खात्यावर जमा केली जाईल. युवा निधी पात्रतेचे निकष कोणते? युवा निधीसाठी कोण पात्र नाही?

युवा निधीसाठी कसा अर्ज करावा? सरकारने दिलेल्या माहितीनुसार उमेदवार 2022 -23 या शैक्षणिक वर्षातील असावा आणि तो 2023 मध्ये पदवी /पदविका शिक्षण उत्तीर्ण झालेला असावा. त्याचप्रमाणे पदवी /पदविका शिक्षण कालावधीपर्यंत किमान 6 वर्षे उमेदवाराचा कर्नाटकमध्ये अधिवास असायला हवा.

 belgaum

अधिवास स्थिती एसएसएलसी गुणपत्रिका, पीयुसी गुणपत्रिका अथवा पदवी गुणपत्रिकेवरून पडताळली जाईल. याखेरीज 2017 मध्ये किंवा तत्पूर्वी अदा केलेला सीईटी नोंदणी क्रमांक किंवा रेशन कार्ड देखील ग्राह्य मानले जाईल. अभ्यासक्रम पूर्ण केल्यानंतर युवा निधी नोंदणीसाठी 180 दिवस थांबण्याची देखील उमेदवारांना गरज नाही ते तात्काळ अर्ज करू शकतात असे कर्नाटक सरकारने स्पष्ट केले आहे. तथापि त्यांना त्यांचा बेरोजगार भत्ता मात्र बेरोजगारीचे 180 दिवस भरल्यानंतरच उपलब्ध होईल.

युवा निधीसाठी कोण पात्र नाहीत? : 1) सरकारी सेवेत नोकरीला असलेले, 2) खाजगी क्षेत्रात नोकरीला असलेले, 3) स्वयंरोजगार असलेले, 4) पुढील उच्च शिक्षण सुरू ठेवणारे, 5) कर्नाटकचे रहिवासी नसलेले. युवा निधीसाठी कसा अर्ज करायचा?

: मात्र उमेदवारांनी http://sevasindhugs.karnataka.gov.in माध्यमातून सेवा सिंधू पोर्टलवर लॉगिन करून अर्ज करायचा आहे. उमेदवार आपली शैक्षणिक प्रमाणपत्रे http://nad.karnataka.gov.in या एनएडी पोर्टल लिंकद्वारे तपासू शकतात. यासाठी त्यांनी आपला पदवी किंवा पदविका नोंदणी क्रमांक जो संबंधित विद्यापीठ अथवा शैक्षणिक संस्थेने अधिक अपलोड केला आहे त्याचा वापर करावा.

 belgaum

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.