Friday, May 24, 2024

/

यासाठी धडकले शेकडो वकील जिल्हाधिकारी कार्यालयावर

 belgaum

बेळगाव लाईव्ह :गुलबर्गा शहरांमध्ये वकिलाचा निर्घृण खून करणाऱ्या आरोपींना शोधून त्यांच्यावर कठोर कारवाई करावी तसेच सरकारने वकील संरक्षण कायदा तात्काळ लागू करावा, या मागणीसाठी शेकडो वकिलांनी आज शुक्रवारी सकाळी जिल्हाधिकारी कार्यालयाला धडक देऊन निवेदन सादर केले.

अलीकडच्या काळात वकिलांवर वारंवार हल्ले होत आहेत. गुलबर्गा शहरातील जिल्हा न्यायालयाचे वकील ॲड. ईरण्णागौडा पोलीस -पाटील (वय 40) यांचा अज्ञातांनी बुधवारी रात्री दगडाने ठेचून खून केला. या घटनेच्या पार्श्वभूमीवर बेळगाव वकील संघटनेतर्फे आज आंदोलन छेडण्यात आले.

बेळगाव न्यायालयात कार्यरत सर्व वकिलांनी आज आपल्या कामावर बहिष्कार टाकण्याद्वारे वकील ॲड. ईरण्णागौडा पोलीस -पाटील यांच्या हत्येचा निषेध केला. त्याचप्रमाणे प्रचंड संख्येने जिल्हाधिकारी कार्यालय आवारात जमलेल्या वकिलांनी हत्या झालेल्या वकिलांच्या हल्लेखोरांना तात्काळ गजाआड करून त्यांना कठोर शिक्षा द्यावी, अशी मागणी करण्याबरोबरच सरकारने वकिलांच्या जीवितासाठी वकील संरक्षण कायदा तात्काळ अंमलात आणावा अशी मागणी केली. त्याचप्रमाणे तशा आशयाचे निवेदन जिल्हाधिकाऱ्यांमार्फत सरकारला सादर करण्यात आले.Advocates bgm

 belgaum

यावेळी बेळगाव वकील संघटनेचे सरचिटणीस ॲड. गिरीश पाटील यांनी निवेदनाचे वाचन केले. आंदोलनात वकील संघटनेचे प्रभारी अध्यक्ष ॲड. सुधीर चव्हाण, संयुक्त सचिव ॲड. बंटी कपाई, कार्यकारिणीचे सदस्य ॲड. आदर्श पाटील, ॲड. महांतेश पाटील ॲड. अभिषेक उदोशी ॲड. बयाल ॲड. पी. के. पवार, ॲड. पूजा पाटील आदींसह बहुसंख्य वकिलांचा सहभाग होता.

आपल्या आंदोलनासंदर्भात बेळगाव लाईव्हशी बोलताना बेळगाव वकील संघटनेचे प्रभारी अध्यक्ष ॲड. सुधीर चव्हाण यांनी वैयक्तिकरित्या आपल्याला संरक्षण मिळावे या मागणीसाठी तसेच ॲड. ईरण्णागौडा पोलीस -पाटील यांच्या हत्येच्या निषेधार्थ आम्ही सर्व वकिलांनी आज न्यायालयाच्या कामकाजावर नव्हे तर नैतिक कर्तव्य म्हणून आमच्या स्वतःच्या कामावर बहिष्कार टाकला असल्याचे स्पष्ट केले.Krishna

तसेच अलीकडच्या काळातील वकिलांच्या बाबतीतील प्रतिकूल परिस्थिती लक्षात घेता सध्या बेळगावमध्ये सुरू असलेल्या कर्नाटक विधिमंडळाच्या अधिवेशनात वकील संरक्षण कायदा तात्काळ मंजूर होणे आवश्यक असल्याचे मत व्यक्त केले.

 belgaum

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.