भर पावसात गाडी चालवताना अंदाज न आल्याने स्विफ्ट कारची झाडाला धडक बसून झालेल्या अपघातात बेळगुंदी गावच्या जवानाचा मृत्यू झाल्याची घटना सोमवारी रात्री घडली आहे.
बेळगाव राकस्कोप रोडवर बाकनूर क्रॉस नजीक असलेल्या नाल्याजवळ ही घटना घडली असून या घटनेमध्ये ओमकार महादेव हिंडलगेकर वय 23 वर्षे रा. कलमेश्वर गल्ली बेळगुंदी या जवानाचा घटनास्थळीच मृत्यू झाला आहे.
घटनास्थळावरून मिळालेल्या माहितीनुसार गाडीवरील नियंत्रण सुटल्याने कारगाडी जोराने झाडाला आदळली आणि पलटी झाली गाडी इतकी वेगात होती की गाडीचा देखील चक्काचूर झाला आहे. ओमकार हा गेल्या चार वर्षापूर्वी सैन्यदलात भरती झाला होता सध्या अहमदनगरला सेवा बजावत होता.त्याच्या पश्चात्य आई वडील विवाहित भाऊ, बहीण असा परिवार आहे.
ओमकार हा भारतीय सैन्य दलामध्ये सेवेला होता गेल्या दहा दिवसापूर्वी मोठ्या भावाच्या लग्नासाठी सुट्टी निमित्त आला होता.सोमवारी रात्री कडोली येथील आपल्या मामाच्या गावी तो गाडी द्यायला बेळगुंदीहून बेळगावकडे जात असतेवेळी रात्री साडे अकराच्या दरम्यान हा अपघात घडला आहे.
या अपघाताची ग्रामीण पोलीस स्थानकत नोंद झाली असून पोलीस अधिक तपास करत आहेत. मंगळवारी सकाळी जवानाचे पार्थिव बीम्स शवगारात शवचिकित्सा केल्यावर नातेवाईकांकडे सोपवण्यात येणार आहे.सीमेवर देशसेवा बजावणाऱ्या बेळगुंदीच्या जवानाचा अपघातात मृत्यू झाल्याने बेळगाव तालुक्याच्या पश्चिम भागात हळहळ व्यक्त केली जात आहे.
