शिव बसव जयंतीच्या निमित्ताने कायदा आणि सुव्यवस्था राखण्यासाठी बेळगाव शहर आणि तालुक्यात दोन दिवस मद्यविक्री बंद करण्याचा आदेश जिल्हाधिकारी आणि पोलीस आयुक्तांनी बजावला आहे.
बेळगावात शिव बसव जयंतीच्या निमित्ताने कायदा आणि सुव्यवस्था राखण्यासाठी मंगळवारी 3 मे सकाळी 6 वाजल्यापासून गुरुवारी 5 मे सकाळी सहा वाजल्या पर्यंत शहर परिसरातील क्लब बार रेस्टॉरंटमध्ये मद्य विक्री बंद करण्याचा आदेश पोलीस आयुक्त बोर्लिंगय्या यांनी बजावला आहे.
दरवर्षी बेळगाव शहरांमध्ये शिवजयंतीची चित्ररथ मिरवणूक भव्य आणि दिव्य कशी काढली जाते यावेळी बुधवारी 4 मे रोजी रात्री चित्ररथ मिरवणूक काढली जाते.लाखोच्या संख्येने शिवभक्त मिरवणूक पाहण्यासाठी रस्त्यावर उतरलेले असतात
जवळपास 70 चित्ररथ हलते देखावे त्या मिरवणुकीत सादर करत असतात अशा वेळी शहर परिसरामध्ये कायदा व सुव्यवस्था बिघडू नये शांततेत सण पार पाडावे म्हणून सर्व दारू दुकाने बंद करण्याचा आदेश बजावण्यात आला आहे .
