Monday, April 15, 2024

/

270 दिवसांचे असणार यंदाचे शैक्षणिक वर्ष

 belgaum

कर्नाटक शिक्षण विभागाने 2022 -23 या शैक्षणिक वर्षाचे वेळापत्रक जाहीर केले आहे. या शैक्षणिक वर्षात 270 दिवस शैक्षणिक कामासाठी दिले असून यंदा दसऱ्याला 14 दिवसांची सुट्टी जाहीर केली आहे.

कोरोना संसर्गनंतर 3 वर्षे पूर्ण काळ वर्ग झाले नाहीत. परंतु या वर्षी राज्यातील सर्व शासकीय अनुदानित आणि विनाअनुदानित प्राथमिक व माध्यमिक शाळांना पूर्णवेळ वर्ग चालविण्याची संधी देण्यात येणार आहे. कर्नाटक शिक्षण विभागाने 2022 -23 या शैक्षणिक वर्षाच्या वेळापत्रकानुसार शालेय कामकाजाचे पहिले सत्र 16 मे 2022 ते 2 ऑक्टोबर 2022 पर्यंत असेल. दुसरे सत्र 17 ऑक्टोबर 2022 ते 10 एप्रिल 2023 असे असेल. दसऱ्याची सुट्टी 3 ते 16 ऑक्‍टोबर आणि उन्हाळी सुट्टी 11 एप्रिल ते 28 मे 2023 पर्यंत असेल.

2022 -23 या शैक्षणिक वर्षात एकूण 60 सरकारी सुट्ट्या आणि 270 शालेय दिवस आहेत. परंतु शाळेच्या एकूण दिवसांची संख्या 256 आहे. त्यात अभ्यासक्रमा बाहेरील उपक्रम, विशेष कौशल्यासाठी 10 दिवस, परीक्षांसाठी 12 दिवस आणि सीसीई प्रमाणीकरण विश्लेषणाचा समावेश आहे.

 belgaum

त्यामुळे अध्यापनासाठी 228 दिवस मिळणार आहेत. त्यात शिक्षकांनी अभ्यासक्रम पूर्ण करणे आवश्यक आहे. यंदा शालेय पाठ्यपुस्तकात नैतिक शास्त्राचा समावेश असेल. ते केवळ एका धर्मापुरते मर्यादित नसून सर्व धर्मांचा नैतिक अभ्यास शिकवण्यासाठी अभ्यासक्रमांचा समावेश केला जाईल, असे शिक्षण मंत्री बी. सी. नागेश यांनी स्पष्ट केले आहे.

कोविड-19 संसर्गादरम्यान कोलमडलेल्या मुलांच्या शिक्षणाची गुणवत्ता सुधारण्यासाठी विद्यार्थ्यांना गाणे आणि नृत्याद्वारे शिकवण्यावर भर देणारे पूर्वतयारी वर्ग 16 मेपासून सुरू होणार आहेत.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.