Friday, July 19, 2024

/

श्री चषकासाठी ‘यांच्यात’ होणार अंतिम लढत

 belgaum

श्री स्पोर्ट्स, खडक गल्ली आयोजित ‘श्री चषक -2022’ अखिल भारतीय निमंत्रितांच्या भव्य टेनिसबॉल क्रिकेट स्पर्धेतील दुसऱ्या उपांत्य सामन्यात जी. जी. बॉईज संघाने प्रतिस्पर्धी विघ्नहर्ता स्पोर्ट्स संघावर 37 धावांनी सहज विजय मिळवला. त्यामुळे स्पर्धेचा अंतिम सामना आता जी. जी. बॉईज आणि झियान स्पोर्ट्स यांच्यात होणार आहे.

टिळकवाडी येथील व्हॅक्सिन डेपो मैदानावर काल दुपारी पावसामुळे अर्ध्यावर स्थगित करण्यात आलेला विघ्नहर्ता स्पोर्ट्स आणि जी. जी. बॉईज यांच्यातील स्पर्धेचा दुसरा उपांत्य सामना आज पुढे खेळविण्यात आला.

कालच्या आपल्या 4 गडी बाद 64 या धावसंख्येवरून पुढे खेळताना जी. जी. बॉईज संघाने मर्यादित 10 षटकांत 8 गडी बात 91 धावा झळकविल्या. त्यांच्या मनोज नार्वेकर (3 चौ. 1 ष. 34 धावा) आणि अनंत एम. (18 धावा) यांनी उत्कृष्ट फलंदाजीचे प्रदर्शन केले.

विजयासाठी 92 धावा काढण्याचे आव्हान विघ्नहर्ता स्पोर्ट्स संघाला पेलवले नाही आणि त्यांचा डाव 9 षटकात सर्व गडी बाद 54 धावा असा संपुष्टात आला. जी. जी. बॉईजच्या सुनील व्ही. याने भेदक गोलंदाजीचे प्रदर्शन करताना 11 धावात 4 गडी बाद केले.

त्याची ‘सामनावीर’ पुरस्कारासाठी निवड करण्यात आली. आता ‘श्री चषक -2022’ साठीचा स्पर्धेचा अंतिम सामना जी. जी. बॉईज आणि झियान स्पोर्ट्स या संघांमध्ये खेळविला जाणार आहे.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.