महाद्वार रोड येथील सामाजिक कार्यकर्ते आणि महापालिकेचे स्वच्छता पर्यवेक्षक संजय पाटील यांनी रक्तदान करून आज आपला वाढदिवस साजरा केला. रक्तदान करण्याची पाटील यांची ही 117 वी वेळ आहे.
बेळगाव महापालिकेच्या स्वच्छता विभागात पर्यवेक्षक असणारे महाद्वार रोड येथील संजय रामचंद्र पाटील हे सामाजिक कार्याबरोबरच रक्तदानाच्या कार्यातही नेहमी आघाडीवर असतात.
वयाच्या सतरा-अठरा वर्षापासून रक्तदान करणाऱ्या संजय पाटील यांनी आतापर्यंत 117 वेळा रक्तदान केले आहे. दरवर्षी स्वतःच्या वाढदिवसादिवशी ते आवर्जून रक्तदान करतात हे विशेष होय.
त्यानुसार आज सोमवारी आपल्या 52 व्या जन्मदिनानिमित्त त्यांनी सिव्हिल हॉस्पिटलमध्ये जाऊन रक्तदान केले. त्याबद्दल त्यांना प्रमाणपत्र देऊन गौरविण्यात आले.
