बेळगाव शहरातील जाधव नगर या उपनगरांमधील किराणा दुकानांमध्ये अवैध धंदे सुरु असल्याची तक्रार स्थानिक नागरिकांनी मनपा आयुक्तांनी पोलिस आयुक्तांकडे केली आहे.
जाधव नगर एनसीसी कार्यालय नजीक असलेल्या एका किराणा दुकानात अनधिकृत अवैद्य धंदे सुरू आहेत त्याचा त्रास स्थानिक भागातील नागरिकांना होत आहे घर किराणा दुकान बंद करा अशी मागणी निवेदनाद्वारे मनपा आयुक्त व पोलीस आयुक्त यांना निवेदन सादर करण्यात आले.
जाधव नगर एन सी सी ऑफिस जवळ किराणा दुकानाचा परवाना घेऊन या दुकानातून नशा करण्याच्या अशा विविध वस्तूंची विक्री केली जाते.
या दुकानातून महाविद्यालयीन विद्यार्थी येऊन या दुकानातून मद्यप्राशन करण्यासाठी प्लास्टिकची मागणी करत असतात. उघड्यावर युवतीही धूम्रपान करत असतात या भागातून ये जा करणाऱ्या महिलांना याचा त्रास होत आहे अशीही तक्रार निवेदनात केली आहे.
स्थानिक पोलिस चौकशीसाठी गेले असता पोलिसांना या ठिकाणी चुकीची माहिती देऊन दिशाभूल करण्यात येत आहे त्यामुळे बेकायदेशीर धंदे चालणाऱ्या या दुकानावर बंदी घालावी त्याचा परवाना रद्द करावा अशी मागणी जाधव नगर भागातील नागरिकांनी केली आहे. सोमवारी सकाळी मनपा आयुक्त व पोलीस आयुक्त यांच्याशी भेट घेऊन सदर मागणी केली आहे.
