बेळगाव शहराजवळील काकती येथील त्या पंचतारांकित हॉटेल फेअरफील्ड मेरीओट रत्नजडित बांगड्या चोरीस गेलेला प्रकरणाचा तपास टा काकती पोलिसांनी चालू केला असून पोलीस तपासला गती मिळाली आहे.
सुरूवातीला या चोरी प्रकरणाकडे पोलिसांनी दुर्लक्ष केले होते मात्र या प्रकरणाची दखल पोलीस आयुक्तांसह वरिष्ठ अधिकारी घेतल्यानंतर अखेर पोलिसांनी या चोरीचा जोरदारपणे तपास सुरू केला आहे.हरियाणा राज्यातील गुडगाव येथील शिप्रा बिजावत या बेळगाव जवळील महाराष्ट्रातील चंदगड तालुक्यातील राजगोळी खुर्द येथील साखर कारखान्यांमध्ये मानव संसाधन (एचआर) म्हणून काम करतात. गेल्या मंगळवारी त्या हरियाणाहून साखर कारखान्याला जाण्यासाठी आल्या होत्या.
काकती नजीकच्या हॉटेल फेअरफिल्ड मेरिओटमध्ये आपल्या खोलीत सामान ठेवून सकाळी 10च्या सुमारास त्या बाहेर पडल्या. कारखान्यातील काम आटोपून रात्री 10:30 वाजण्याच्या सुमारास शिप्रा हॉटेलमध्ये परतल्या असता त्यांना त्यांची बॅग उघडी दिसली. त्यांनी बॅग तपासल्यानंतर जवळपास 10 लाख किंमतीच्या हिरेजडीत बांगड्या चोरीला गेल्याचे त्यांच्या निदर्शनास आले होतेत्यानंतर त्यांनी ट्विट करून नाराजी व्यक्त केली होती त्यानंतर सोशल मीडियावर सदर बातमी दखल घेताच वरिष्ठ अधिकाऱ्यांनी याकडे लक्ष घातले आहे.
या घटनेसंदर्भात शिप्रा बिजावत यांनी ट्विटरवर तीव्र नाराजी व्यक्त केली आहे. बेळगाव येथील फेअरफिल्ड मॅरिओट हॉटेलचा माझा अनुभव अतिशय खराब असून एक ग्राहक म्हणून या हॉटेलच्या बाबतीत माझ्या मनात आणि हृदयात असलेली उत्कृष्ट हॉटेलची प्रतिमा मलीन झाली आहे. माझ्या गैरहजेरीत हॉटेलच्या माझ्या रूममध्ये अतिक्रमण केले जात होते. हॉटेल कर्मचाऱ्यांकडून माझी रूम इतर पाहुण्यांना वापरण्यास दिली जात होती असे त्यांनी म्हंटले आहे.
#marriott #worstexperience #negligence #nosafetyforwomen pic.twitter.com/U13LanXlmm
— Shipra Bijawat (@shipra3587) March 17, 2022
सुरुवातीला काकती पोलिसांनी या प्रकरणाकडे दुर्लक्ष केले होते मात्र वरिष्ठ अधिकाऱ्यांनी याची दखल घेतल्याने याचा गुरुवारी पोलिसांनी हॉटेलला भेट दिल्यानंतर तपास सुरू झाला आहे
सीसीटीव्ही कॅमेराच्या फुटेजमध्ये त्या दिवशी दुपारी 3 च्या सुमारास शिप्रा बिजावत राहत असलेल्या खोलीत एक महिला आणि एक पुरुष फिरताना दिसले आहेत त्यांचा तपास पोलिसांनी सुरू केला आहे.
सुरुवातीला झालेल्या दिरंगाई मुळे पोलीस आयुक्त डॉ एम बी बोर्लिंगय्या हे काकती पोलिसाबाबत नाराजी व्यक्त आहे काल पी एस आय आय एस गुरुनाथ यांनी तक्रार दाखल करण्यास विलंब केला होता त्यामुळे गुरुनाथ ऐवजी पी एस आय यारूगोपा यांच्यावर तपासाची जबाबदारी दिली आहे.
