Tuesday, April 16, 2024

/

सोमवारचा दिवस मुख्य

 belgaum

सोमवारी बेळगावच्या हिवाळी अधिवेशनाचा महत्त्वपूर्ण दिवस असून यावेळी बहुसंख्य मोर्चे आणि गोंधळ असण्याची शक्यता आहे. सुवर्ण सौध समोर आंदोलन करणाऱ्या दोन ठिकाणी जवळपास 30 हून अधिक आंदोलन होणार आहेत हलगा येथील सुवर्ण गार्डन समोर 15 आंदोलन आहेत तर कोंडस्कोप्प येथील आंदोलन स्थळी पंधरा आंदोलन अशी एकूण तीस आंदोलनाना परवानगी देण्यात आली आहे.

या व्यतिरिक्त कन्नड रक्षण वेदिकेचा सुवर्ण सौध घेराव आहे बेंगलोरहुन शेकडो कन्नड कार्यकर्ते बेळगावला यायची शक्यता आहे बेळगाव शहर तालुक्यात 144 कलम जमाव बंदीचा आदेश असल्याने पाचहून अधिक जण एकत्रित जमू शकत नाहीत त्यामुळे करवेच्या कार्यकर्त्याना बेळगाव तालुक्या बाहेर अटक होऊ शकते.
त्यामुळे पोलिसांची उद्या दमछाक होण्याची शक्यता आहे.

दुसरीकडे विधी मंडळ सभागृहात देखील छत्रपती शिवाजी महाराजांचा अवमान आणि देशभक्त संगोळळी रायन्ना यांच्या पुतळ्याचा अवामानाच्या घटना बद्दल चर्चा व्हायची शक्यता आहे त्यामुळे सोमवारचा दिवस खूप महत्त्वपूर्ण असणार आहे

 belgaum

आणखी अटक सत्र सुरू होण्याची शक्यता?

दरम्यान कर्नाटक पोलिसांनी शिवाजी महाराजांचा अवमान झालेल्या घटनेनंतर बेळगाव मध्ये अज्ञातानी तोडफोड केली होती त्या आरोपाखाली 27 मराठी भाषिक युवकाना जबाबदार धरत गुन्हा दाखल करून त्यांची रवानगी कारागृहात करण्यात आली आहे खून करण्याचा प्रयत्न करणे अशा गंभीर स्वरूपाचे गुन्हे त्यांच्यावर दाखल करण्यात आले आहेत.

त्या व्यतिरिक्त जिल्हा प्रशासनाने पोलिसांनी एकूण 61 जणांची एक सूची तयार तयार केल्याची माहिती उपलब्ध झाली आहे दरम्यान जिल्हा प्रशासनाच्या आणि पोलिस अधिकाऱ्यांची एक महत्वपूर्ण बैठक रविवारी झाली असून त्यामध्ये ही यादी तयार करण्यात आल्याची माहिती उपलब्ध झाली आहे अनेक युवकांना पोलीस चौकशीसाठी ताब्यात घेत आहेत.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.