Tuesday, July 23, 2024

/

गोविंद करजोळ बेळगावचे पालकमंत्री

 belgaum

कर्नाटक 6 जिल्हा पालकमंत्र्यांची निवड-रमेश जारकीहोळी यांच्या राजीनाम्या नंतर खाली झालेलं पालकमंत्री पद बागलकोट जिल्ह्यातील गोविंद करजोळ यांना देण्यात आले आहे.

अश्लील सीडीप्रकरणी बेळगावचे पालकमंत्री रमेश जारकीहोळी यांना मंत्रिपदाचा राजीनामा द्यावा लागला होता. परिणामी रिक्त असलेल्या बेळगाव जिल्हा पालक मंत्रीपदी कर्नाटकचे उपमुख्यमंत्री गोविंद कार्जोळ यांची निवड झाली आहे

जिल्हा पालकमंत्री रमेश जारकीहोळी यांनी आपल्या पदाचा राजीनामा दिल्यानंतर पालक मंत्रीपद रिक्त झाले होते. त्यामुळे बेळगाव जिल्ह्याला पाचव्यांदा पालकमंत्री शोधण्याची वेळ आली होती. तेंव्हा मुख्यमंत्री बी. एस. येडियुरप्पा पालक मंत्रीपदी कोणाची वर्णी लागणार? याकडे साऱ्या जिल्ह्याचे लक्ष लागून राहिले होते.

ही उत्सुकता आता समाप्त झाली असून उपमुख्यमंत्री गोविंद कार्जोळ यांची बेळगावच्या पालक मंत्रीपदी नियुक्ती करण्यात आली आहे.

बेळगाव व्यतिरिक्त राज्यातील अन्य कांही जिल्ह्याचे पालक मंत्रीही बदलण्यात आले आहेत. बागलकोट जिल्हा पालक मंत्रीपदी उमेश कत्ती यांची वर्णी लागली आहे.

त्याप्रमाणे बिदर जिल्हा पालक मंत्रीपदी अरविंद लिंबावळी, कोलार जिल्हा पालक मंत्रीपदी एम. टी. बी. नागराज, चिकमंगळूर जिल्हा पालक मंत्रीपदी एस. अंगार आणि कलबुर्गी जिल्हा पालक मंत्रीपदी मुरुगेश निराणी यांची नियुक्ती करण्यात आली आहे.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.