फुलबाग गल्ली येथील किरण पाटील यांच्या घरी आग लागल्यामुळे लाखों रुपयांचे नुकसान झाले. घरातील सर्वच सामान बेचिराख झाले. यासंदर्भातील बातमी वृत्तपत्र आणि समाजमाध्यमातून समजल्यानंतर लागलीच जायंट्स सखीच्या पदाधिकाऱ्यांनी घटनास्थळी भेट दिली आणि कुटुंबाची विचारपूस करून त्यांचे सांत्वन केले.
यावेळी अध्यक्षा निता पाटील, फेडरेशन संचालिका ज्योती अनगोळकर,उपाध्यक्षा चंद्रा चोपडे, विद्या सरनोबत,लता कंग्राळकर, अर्चना पाटील उपस्थित होत्या.
जायंट्स सखीच्या अनेक सदस्यांनी या कुटुंबासाठी भरीव मदत करण्याचे ठरवले.कुणी भांडी,कुणी अंथरूण पांघरूण, कुणी घरात लागणारे संपूर्ण किराणा सामान,कुणी तिखट,मीठ,तेल तर कुणी स्वयपाक करण्यासाठी लागणारी गॅस शेगडी कपडे टप्पे बादली आणि बरेच सामान दिले आणि अशा प्रकारे त्यांचा बेचिराख झालेला संसार उभारण्याचा प्रयत्न केला.
लागलीच हे साहित्य घेऊन त्यानी या कुटुंबियांकडे सुपूर्द केले.
सातत्याने समाजात असे काही प्रसंग उदभवले तर नेहमीच मदतीचा हात पुढे करणाऱ्या जायंट्स सखीने आज केलेल्या मदतीचे सर्व स्थरातून कौतुक होत आहे.
यावेळी अनुपमाा कोकणे लता कंग्राळकर शीतल नेसरीकर सुर्वणा काळे ज्योती सांगुकर सदस्या उपस्थित होत्या
