दिवसभर रिपरिप तर रात्री धुवाधार….

0
 belgaum

चार दिवसांपूर्वी कडक उन्हाचा अनुभव आणि आता नारळी पौर्णिमेनंतर सुरू केलेल्या पावसाने जोरदार हजेरी लावली आहे. मंगळवारी दिवसभर पावसाची रिपरिप सुरू होती तर रात्री साडेआठ नंतर जोरदार पावसाने हजेरी लावल्यामुळे शेतकरी सुखावला आहे.

या पावसामुळे शहर परिसरातील जनजीवन विस्कळीत झाले आहे. रात्री पडलेल्या दमदार पावसामुळे अनेक घरात पाणी शिरण्याचे प्रकार घडले. दरम्यान हा पाऊस पिकांना पोषक वातावरण निर्माण करून देणारा ठरला आहे. मात्र आणखी काही दिवस असाच पाऊस पडला तर गतवर्षीप्रमाणे पूर येण्याची शक्यता नाकारता येत नाही.

bg

दिवसभर पावसाची रिपरिप सुरू होती. त्यामुळे भाजी विक्रेते व फळ विक्रेत्यांना याचा फटका बसला. सध्या हवामानात बदल झाला असून हवेत गारवा निर्माण झाला आहे. त्यामुळे आजारही उद्भवण्याची शक्यता व्यक्त करण्यात येत आहे. मंगळवारी दिवसभर पावसाने आपली रिपरिप सुरूच ठेवली होती. मात्र रात्री साडेआठ नंतर जोरदार पावसाला सुरुवात झाली आणि पुन्हा मागील वर्षीच्या महापुरची आठवणही साऱ्यांनाच झाली आहे.

सध्या पावसाने विश्रांती घेतल्यास अनेकांना सोयीचे ठरणार असले तरी आणखीन काही दिवस पाऊस असाच पडला तर मागील वर्षीप्रमाणे या वर्षीही पूर येण्याची शक्यता व्यक्त होत आहे. मंगळवारी शहर परिसरातील जनजीवन विस्कळीत झाले होते.

दिवसभर रिपरिप असल्याने अनेकांनी घरीच बसणे पसंत केले होते. हा पाऊस आणखी किती दिवस पडणार याकडे सर्वांच्या नजरा लागून राहिल्या आहेत.

bg

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.