“सिव्हिल”ला कोरोनाचा दणका ओपीडी सील डाऊन!

0
 belgaum

आता सिव्हिल हॉस्पिटल अर्थात बेळगाव जिल्हा रुग्णालयाला देखील “कोरोना”ने आपला दणका दिला आहे. एक 23 वर्षीय डॉक्टर कोरोना पॉझिटिव्ह आढळून आल्यामुळे जिल्हा रुग्णालयाचा ओपीडीतले काही विभाग सील डाऊन करण्यात आले आहेत. त्याचप्रमाणे डॉक्टर कोरोनाबाधित आढळल्याने जिल्हाधिकाऱ्यांनी आज शनिवारी सकाळी रुग्णालयाला सरप्राईज व्हिजिट देऊन पाहणी केली.

गेल्या तीन महिन्यापासून बेळगाव जिल्हा रुग्णालयात कोरोनाग्रस्त रुग्णांवर उपचार सुरू आहेत येथील ओपीडी विभागांमध्ये शेकडो रुग्ण उपचारासाठी येत आहेत. मात्र आता येथील एक 23 वर्षीय डॉक्टर कोरोनाग्रस्त आढळून आला आहे. त्यामुळे रुग्णालयाचा ओपीडी विभाग सील डाऊन करण्यात आला आहे. जिल्हा रुग्णालयाचे ओपीडी विभाग आणि कोव्हीड वाॅर्ड हे एकाच इमारतीत असल्यामुळे हा संसर्गाचा प्रकार घडला असावा असा कयास व्यक्त केला जात आहे. त्यामुळे आता ओपीडी विभाग अन्यत्र हलविण्याच्या हालचाली सुरू झाल्या आहेत.

bg

दरम्यान, जिल्हाधिकारी एम. जी. हिरेमठ यांनी हा सकाळी जिल्हा रुग्णालयाला सरप्राईज व्हिजिट अर्थात अचानक भेट देऊन पाहणी केली. त्याचप्रमाणे त्यांनी रुग्णालयातील डॉक्टरांची बैठक घेऊन त्यांना आवश्यक सूचना केल्या. तसेच ओपीडी विभाग कोठे स्थलांतरित करणार? त्याबाबतचा अहवाल लवकरात लवकर देण्याची सूचना जिल्हाधिकार्‍यांनी बीम्सचे वैद्यकीय संचालक विनय दोस्तीकोप यांना केली.

Civil bgm
Civil bgm

बेळगाव जिल्हा रुग्णालयाच्या कोव्हीड वार्डमध्ये 116 रुग्ण असून हे सर्व ॲक्टिव्ह आहेत. याखेरीज कोरोनाग्रस्त रुग्णांसाठी जिल्हा रुग्णालयात 200 हून अधिक बेड्स तयार ठेवण्यात आले आहेत. रुग्णालयातील ओपीडी विभाग अन्यत्र हलविण्याचा आदेश आपण स्वतः दिला असल्याची माहिती जिल्हाधिकारी एम. जी. हिरेमठ यांनी प्रसारमाध्यमांना दिली.

जिल्हा रुग्णालयातील डॉक्टर्स व नर्स जीवाची पर्वा न करता कोरोनाग्रस्त रुग्णांवर उपचार करत आहेत. रुग्णालयातील कोरोना बाधितांची संख्या दिवसेंदिवस वाढत असल्याने तसेच संसर्गाचा धोका वाढल्यामुळे जिल्हाधिकाऱ्यांनी काल जनतेसाठी जिल्हा रुग्णालयात प्रवेश बंदीचा आदेश जारी केला आहे.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.