सोमवारी शहर परिसरात आढळले 35 रुग्ण तर जिल्ह्यात 60

सोमवारी बेळगाव शहर आणि परिसरात 35 पोजिटिव्ह रुग्ण आढळले आहेत जिल्ह्याची एकूण रुग्ण संख्या 60 आहे.

जिल्ह्यात 24 तासात नव्याने 60 कोरोनाग्रस्त रुग्ण आढळून आल्यामुळे बेळगाव जिल्हा आरोग्य आणि कुटुंब कल्याण खात्याच्या सर्व्हिलन्स युनिटने प्रसिद्धीस दिलेल्या कोरोना वैद्यकीय पत्रकानुसार सोमवार दि. 20 जुलै 2020 रोजी सायंकाळी 5 वाजेपर्यंत बेळगाव जिल्ह्यातील कोरोना बाधितांची संख्या एकूण 1,079 झाली असून आजतागायत 31,130 जणांचे अहवाल निगेटिव्ह आले आहेत. त्याचप्रमाणे अद्याप 2,079 नमुन्यांचे अहवाल हाती येणे बाकी आहेत.

बेळगाव जिल्हा आरोग्य आणि कुटुंब कल्याण खात्याच्या सर्व्हिलन्स युनिटने जाहीर केलेल्या वैद्यकीय प्रसिद्धी पत्रकानुसार सोमवार दि. 20 जुलै 2020 रोजी सायंकाळी 5 वाजेपर्यंत कोरोनासंदर्भात बेळगाव जिल्ह्यात एकूण 36,222 संशयित व्यक्तींचे वैद्यकीय निरीक्षण करण्यात आले. जिल्ह्यात 14 दिवसांसाठी होम काॅरन्टाईन केलेल्या जिल्ह्यातील व्यक्तींची संख्या 6,424 झाली असून हॉस्पिटलमध्ये आयसोलेशन करण्यात आलेल्या व्यक्तींची संख्या 618 आहे. काॅरन्टाईन अर्थात विलगीकरणाचा 14 दिवसांचा कालावधी पूर्ण केलेल्या लोकांची संख्या 10,049 आहे, तर काॅरन्टाईनचा 28 दिवसांचा कालावधी पूर्ण केलेल्या व्यक्तींची संख्या 19,136 आहे. कोरोना विषाणू संसर्ग निदानासाठी एकूण 34,931 जणांचे स्वॅब नमुने घेण्यात आले होते. त्यापैकी 1,079 नमुन्यांचा वैद्यकीय अहवाल कोरोना पॉझिटिव्ह आला असून यामध्ये आज सोमवारी नव्याने आढळलेल्या 62 जणांच्या अहवालांचा समावेश आहे. प्रयोगशाळेत धाडलेल्या नमुन्यांपैकी 31,130 नमुने निगेटिव्ह असून ॲक्टिव्ह केसीस 618 आहेत. त्याचप्रमाणे 2,079 नमुन्यांचा अहवाल प्रलंबित आहे. आतापर्यंत जिल्ह्यातील 26 रुग्णांचा मृत्यू झाला असून 435 रुग्ण कोरोना विषाणूच्या संसर्गापासून मुक्त अर्थात पूर्णपणे बरे झाले असून त्यांना हॉस्पिटलमधून डिस्चार्ज देण्यात आला आहे. गेल्या दि. 17 आणि 18 जुलै रोजी बेळगाव जिल्ह्यात उच्चांकी म्हणजे अनुक्रमे 95 आणि 137 कोरोनाग्रस्त रुग्ण आढळून आले होते.

दरम्यान, भारताबाहेरील कोरोना बाधित देशातून आलेल्या व्यक्तींनी अथवा कोरोनाग्रस्तांच्या संपर्कात आलेल्यांनी त्यांच्यात कोरोनाची लक्षणे आढळली नसली तरीही भारतात आलेल्या दिवसापासून 14 दिवस घरगुती विलगीकरणात रहावे, घराबाहेर पडू नये. त्याचप्रमाणे संबंधितांनी स्वतःहून नजीकच्या सरकारी हॉस्पिटल अथवा 104 हेल्थ – हेल्पलाईन कॉल सेंटरशी किंवा आरोग्य सहाय्यवाणी डीएसयू बेळगाव 0831- 2424284 येथे संपर्क साधून आपली माहिती द्यावी. नागरिकांनी वैयक्तिक स्वच्छतेची काळजी घ्यावी. खोकला अथवा शिंक आल्यास टिश्शू पेपर किंवा रुमाल तोंडावर धरावा. प्रत्येकाने आपले हात साबण लावून पाण्याने अथवा सॅनिटायझरने वारंवार स्वच्छ धुवावेत. नागरिकांनी सार्वजनिक कार्यक्रमातील सहभाग शक्यतो टाळावा, आदी खबरदारीच्या सूचनाही जिल्हा आरोग्य आणि कुटुंब कल्याण कार्यालयाच्या सर्व्हिलन्स युनिटने आपल्या प्रसिद्धीपत्रकाद्वारे जनतेला दिल्या आहेत.

20 जुलै रोजी आढळलेले रुग्ण असे