Saturday, July 13, 2024

/

बेळगावातील तळीरामांना आणखी करावी लागणार प्रतीक्षा

 belgaum

मागील महिना ते दीड महिन्यापासून लॉक डाऊन असल्यामुळे अनेक मद्याची दुकाने बंद करण्यात आले आहेत. त्यामुळे तळीराम जेथे दारू मिळेल तेथे धडपडू लागले आहेत. मात्र अजूनही बेळगावातील तळीरामांना प्रतीक्षा करावी लागणार आहे. कारण ज्या ठिकाणी रेडझोन आहे त्या ठिकाणचे मद्य विक्री बंद ठेवण्याचा आदेश केंद्र सरकारने दिला आहे.

केंद्र सरकारने नुकत्याच काढलेल्या एका अध्यादेशात हा निर्णय घेतला आहे. सध्या बेळगाव तालुका रायबाग आणि संकेश्वर हे रेडझोन मध्ये आहेत. याचबरोबर कर्नाटक राज्यानेही बेळगाव जिल्हा रेड झोनमध्ये टाकला आहे. त्यामुळे ज्या ठिकाणी रेड झोन आहे त्या ठिकाणी मद्य विक्री बंद ठेवण्याचा आदेश केंद्र सरकारने दिला आहे. बेळगाव येथेही रेडझोन असल्यामुळे तळीरामांना अजूनही प्रतीक्षा करावी लागणार आहे.

मागील दीड महिन्यापासून मद्याची दुकाने बंद असल्याने अनेकांनी गावठी दारू तसेच इतर पर्यायी दारू वर निर्भर ठेवला आहे. महत्त्वाचे म्हणजे मद्याची दुकाने बंद असल्याने राज्याच्या खजिन्यात मोठी पोकळी निर्माण झाली आहे. मात्र तळीरामही बेहाल झाले आहेत. अशा परिस्थितीत पुन्हा केंद्र सरकारने फक्त ग्रीन झोनमध्ये असलेल्या मद्य दुकानांना परवानगी दिल्याने अनेकांची पंचाईत होणार आहे. यामध्ये बेळगावातील तळीरामांची ही गोची होण्याची शक्यता नाकारता येत नाही.

केंद्रसरकारने आणखीन पंधरा दिवस लॉक डाऊन वाढवण्याचे घोषित करण्यात आले आहे. एका मार्ग सुचित हा आदेश काढण्यात आला असला तरी तळीरामांची सोय व्हावी या दृष्टिकोनातून ग्रीन झोन मधील मद्य दुकानांना परवानगी देण्यात आली आहे. मात्र बेळगाव रायबाग आणि संकेश्वर येथे रेडझोन असल्याने या भागातील तळीरामांना पुन्हा प्रतीक्षाच करावी लागणार आहे.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.