कॉलेजला जाण्यासाठी बस अडवणाऱ्या विद्यार्थ्याच्या अंगावर बस घालून त्याला फरफटत नेणाऱ्या बस चालकाला तात्काळ अटक करा असा आदेश खानापूर तालुका कोर्टाने बजावला आहे.
या प्रकरणाची खानापूर कोर्टाने दखल घेत स्वयंप्रेरणेने केस नोंदवून घेतली आहे. दांडेली बस डेपोचा चालक ए एम शेख याला 24 तासांच्या आत अटक करा असा आदेश न्यायाधीश मल्लिकार्जुन मडीवाळ यांनी बजावला आहे.मुजोर बस चालकाचे पडसाद सोशल मीडियावर वर्तमानपत्र आणि इलेक्ट्रॉनिक मीडियावर जोरदारपणे उमटल्यावर खानापूर प्रशासन असो किंवा युवा समिती सारख्या संघटना असो सगळेच जागे झाले आहेत.
बसचालकाच्या मुजोरी विरुद्ध बेकवाड ग्रामस्थांचा संताप व्यक्त करत रस्ता रोको केला होता. युवा समितीने निवेदन देत इथून पुढे असले प्रकार खपवून घेतले जाणार नाहीत असा इशारा दिला होता त्या नंतर खानापूर कोर्टाने याची दखल घेत स्वतः होऊन प्रकरण नोंदवून घेत बस चालकाला अटक करण्याचे आदेश बजावले आहेत.
सकाळी राज्य परिवाहन खात्याच्या धारवाड विभागातील अधिकाऱ्यांनी मंत्री लक्ष्मण सवदी यांच्या सूचनेनुसार सदर बस चालकाला निलंबित केले होते त्यावेळी त्याला अटक करून त्याच्यावर खुनाचा प्रयत्न करणे असा गुन्हा घाला अशी मागणी जोर धरू लागलो होती दुपारी खानापूर कोर्टाने याची दखल घेत स्वतः होऊन केस दाखल करून घेतली आहे.
