आगामी विधानसभेसाठी भाजप किंवा कॉग्रेस या राष्ट्रीय पक्षांनी आपापले उमेदवार जाहीर केले नसले तरी कुठल्या मतदार संघातून कुणाला तिकीट द्यायचे यासाठी जोरदार लॉबिंग केली जात आहे त्यातच भाजप मधील तिकीट कुणाला मिळणार याकडे सर्वांचे लक्ष लागून राहिलं आहे.
उत्तर भाजपा विधानसभा मतदार संघात लिंगायत मतदारांचे प्राबल्य पाहता रवी पाटील सारखे सुशिक्षित उमेदवार अनेक दिवसा पासून इच्छुक होते मात्र गेल्या आठवड्या भरापासूनपासून उत्तर मधून कत्ती बंधूनी निवडणूक लढवण्यासाठी रस दाखवला आहे.राज्य भाजप कार्यकारिणी कडे उमेश कत्ती यांनी निवडणुकी साठी अर्ज देखील दाखल केला आहे. कत्ती यांना उत्तर मधून उमेदवारी देण्याबाबत गुरुवारी दि ५ रोजी बंगळूरूत महत्वपूर्ण बैठक होणार असल्याची देखील माहिती मिळत आहे.
उमेश कत्ती उत्तर मधून तर हुक्केरी मधून माजी खासदार रमेश कत्ती हे निवडणूक लढवण्याची शक्यता वर्तवली जात आहे. भाजपच्या सूत्रांनी दिलेल्या माहिती नुसार कत्ती बंधूंची जर बेळगावात एंट्री झाली तर भाजप सह इतर पक्षांची तिकिटांची गणित बदलण्याची चिन्हे आहेत. बेळगावातील तीन मतदार संघा पैकी एक लिंगायत एक जैन तर एक मराठा उमेदवारास भाजपा कडून उमेदवारी मिळू शकते.
कत्ती बंधूंचे जिल्ह्यातील राजकारणावर असलेले वर्चस्व,जारकीहोळी बंधुशी असलेली राजकीय सलगी पाहता उमेश कत्ती उत्तर बेळगाव मधून निवडणूक लढवू शकतात हे नाकारता येत नाही. सध्या उत्तर मध्ये भाजप पक्षात भाजप मधून तिकीटासाठी मोठे प्रयत्न सुरू आहेत. एक खासदार स्वतःच्या मुलीसाठी तर दुसरे खासदार स्वतःच्या मुलासाठी प्रयत्न करत असतांना आता हुक्केरी मतदारसंघातील प्रबळ दावेदारानेही उत्तर कडेच मोर्चा वळवल्याने गोंधळ उडाला आहे.
कत्ती बंधूना उमेदवारी ध्या या मागणी मुळे भाजपमध्ये अस्वस्थता नक्कीच वाढली आहे.
