डोळ्यात मिरची पूड टाकून तुमकूर येथील फुल व्यापार्या कडून २४ लाख रुपये लुटलेल्या चौघांना पकडण्यात बेळगाव पोलिसांना यश आलं आहे . पोलिसांनी या प्रकरणी हुक्केरी येथील अस्कर अली नझीरअहमद मकानदार वय 22 या मुख्य आरोपीस अटक केली असल्याची माहिती आय जी पी रामचंद्र राव आणि डी सी पी सीमा लाटकर यांनी संयुक्त पत्रकार परिषदेत दिली .
सदर आरोपीला नारायणनप्पा हे फुलांच्या पैसे वसुलीसाठी हुक्केरी बेळगावला येतात याची कल्पना होती त्याचे मित्र असलेले निसार मुल्ला , उमेश बस्तवाडे यांनी मिळून फुल व्यापार्यास लुटायचा प्लॅन बनवला त्यानुसार हुक्केरीहून बेळगाव पर्यंत तुमकूर येथील फुल व्यपाऱ्याचा पाठलाग केला आणि आणखी दोघांना घेऊन ही लूट केल्याची माहिती समोर आली आहे .
शशिकांत मिसाळे आणि यल्लेश ताणुगोळ रा . कलमेश्वर नगर सुळेभावी या दोन व्यापाऱ्यांनी देखील पाठलाग केला होता त्यावेळी हायवेवर नारायण आणि रायन्ना हे दोघे तुमकूर ला जायला आले असता त्यांच्या डोळ्यात मिरची पूड टाकून पैसे आणि मोबाईल लंपास केले होते . शहर गुन्हा अन्वेषण शाखेचे पोलीस निरीक्षक ए एस गोदीकोप ए एस आय आय बी आर मुतनाळ यांनी सदर आरोपीना पकडून त्यांच्या जवळील १२ लाख ४० हजार रोख रक्कम दोन चेक जप्त केलेत . प्रभारी पोलीस आयुक्त एस रामचंद्र राव , डी सी पी सीमा लाटकर , अमरनाथ रेड्डी यांनी तपास अधिकाऱ्यांचे अभिनंदन केले आहे .
