रविवारच्या बाजारात विक्री करण्यासाठी रस्त्याच्या कडेला बसलेल्या आणि खरेदीसाठी गेलेल्यावर झाड कोसळल्याने तीन जण जखमी झाल्याची घटना बसवेश्वर सर्कल खासबाग येथे रविवारी दुपारी घडली आहे.
नूर अहमद मिरासाब लेंगरे वय 35 रा. महालिंगपूर हे व्यापारी तर बाजारात खरेदीसाठी गेलेले निंगप्पा इटप्पानावर वय 40 त्यांचा मुलगा भरमा निंगप्पा इटप्पनावर वय 14 दोघेही अनगोळ हे जखमी झाले असून त्यांच्यावर जिल्हा रुग्णालयात उपचार सुरू आहेत. पोलिसांनी दिलेल्या माहितीनुसार बसवेश्वर सर्कल डबल रोड येथे ठेकेदार धामणेकर यांच्या घरासमोरील झाड कोसळले.रविवार खासबागचा बाजार भरला होता त्यावेळी अनेक जण खरेदी विक्री साठी होते त्यावेळी झाड कोसळल्याने बाजारात विक्री साठी बसलेले जखमी झाले आहेत.
घटना होताच जखमींना उपचारासाठी जिल्हा रुग्णालयात पाठवण्यात आले तर खासबाग भागातील कार्यकर्त्यांनी वन खात्याची वाट न बघता पडलेले झाड बाजूला केले. मनसे संघटक रवी साळुंखे यांच्या नेतृत्वात झाडाच्या फांद्या बाजूला काढल्या.
बसवेश्वर सर्कल जवळील डबल रोड वर अनेक पडकी झाड आहेत ती धोकादायक आहेत पावसात कधीही कोसळू शकतात अश्या झाडे काढावीत वन खात्याने याकडे लक्ष द्यावे अशी मागणी येथील कार्यकर्ते करत आहेत.
