किणये येथे पोहण्यासाठी गेलेल्या एक तरुण बुडून बेपत्ता झाला आहे या घटनेमुळे परिसरात एकच धावपळ उडाली आहे. ही घटना अचानक घडल्यामुळे हळहळ व्यक्त करण्यात येत आहे.शुक्रवारी दुपारी 12 वाजण्याच्या सुमारास ही घटना घडली आहे. स्वप्नील अरुण पाटील वय 17 असे त्या तरुणाचे नाव आहे. पोहण्यासाठी गेला असताना तो बुडाला आहे ही घटना घडताना अनेकजण त्या ठिकाणी पोहत होते. काहींनी त्याला वाचविण्याचा प्रयत्न केला मात्र तो सापडला नाही.
किणये येथे नव्याने बांधण्यात आलेल्या धरणामध्ये ही घटना घडली आहे नव्याने बांधण्यात आलेल्या धरणात गावातील मुले पोहण्यासाठी जात असतात. मात्र स्वप्नील व त्याच्या मित्राला पोहायला येत नव्हते तरी देखील त्यांनी पाण्यात पोहण्यासाठी उडी टाकली. मात्र पाण्याचा अंदाज न आल्याने बुडाला असावा असे पोलिसां कडून सांगण्यात येत आहे.
बेळगाव ग्रामीण पोलीस ठाण्यात याची माहिती देण्यात आली. यावेळी पोलिसांनी घटनास्थळी भेट देऊन पाहणी केली आहे. दुपारी बारा वाजता घटना घडली असली तरी सायंकाळी सहा पर्यंत शोध कार्य चालूच होते मात्र बेपत्ता युवकाचा शोध लागला नव्हता .ग्रामीण पोलिसांनी फायर ब्रिगेड व पाण बुड्या घेऊन शोध कार्य हाती घेतले आहे स्वप्नील हा किणये येथील कॉलेज मध्ये पी यु सी प्रथम वर्षात शिकत होता.
