शहरात मोकाट कुत्र्यांची संख्या वाढली असून मुले,पाळीव प्राणी यांच्यावर हल्ला करण्यापर्यंत त्यांची मजल गेली आहे.महानगरपालिका मोकाट कुत्र्यांचा बंदोबस्त करण्यात अपयशी ठरली असून नागरिकांना रस्त्यावरून चालत जाणे देखील अवघड झाले आहे.
रस्त्यावरून जाणाऱ्या नागरिकांच्या अंगावर एकदम दोन चार कुत्री धावून येतात.आता या मोकाट कुत्र्यांनी अयोध्या नगर येथे माकडाचा बळी घेतला आहे.अत्यंत चपळ जात म्हणून ओळखल्या जाणाऱ्या माकडाचा या मोकाट कुत्र्यांनी बळी घेतल्यावरून यांचे उपद्रवमूल्य किती वाढले आहे हे ध्यानात येते.
महानगरपालिकेने मोकाट कुत्र्यांचा लवकरात लवकर बंदोबस्त करावा अशी मागणी जनतेतून होत आहे.शुक्रवारी अयोध्या नगर येथे भटक्या कुत्र्याच्या हल्ल्यात माकड ठार झाले होते या भागातील नागरिकांनी आणि सामाजिक संस्थांच्या कार्यकर्त्यांनी माकडावर अंतिम संस्कार केले
