बेळगाव लाईव्ह : बेळगाव शहरातील विविध पोलिसांकात दाखल झालेल्या दुचाकी चोरी प्रकरणात एका चोरट्याला हिरेबागेवाडी पोलिसांनी अटक केली आहे.आझाद महबूब सुभानी किल्लेदार रा. तिगडी ता. बैलहोंगल असे या अटक केलेल्या युवकाचे नाव आहे.
पोलिसांनी दिलेल्या माहितीनुसार या युवकाने शहरातील विविध ठिकाणी तसेच हिरे बागेवाडी या भागात अशा एकूण पाच हिरो होंडा कंपनीच्या मोटरसायकल चोरी केल्या होत्या.
याबाबतीत हिरे बागेवाडी पोलीस स्थानकात तक्रार नोंद झाली त्याचा तपास करून आझाद किल्लेदार याचा तपास करून ताब्यात घेतले असता त्याने आणखीन विविध ठिकाणी आपण चार मोटरसायकल चोरी केल्याची कबुली दिली.
याच्याकडून 1 लाख 50 हजार किंमतिच्या पाच हिरो होंडा कंपनीच्या मोटरसायकल जप्त करण्यात आले असून त्याला अटक करून न्यायालयासमोर हजर केले असतात त्याची रवानगी कारागृहात करण्यात आली.
पोलीस पोलीस आयुक्त याडा मार्टीन मार्बन्यांग गुन्हे विभागाच्या उपायुक्त पी. व्ही.स्नेहा यांच्या मार्गदर्शनाखाली पोलीस सहाय्यक उपायुक्त गंगाधर पोलीस निरीक्षक नीलगार यांच्या नेतृत्वाखाली पीएसआय एस.आर मुथली हवालदार अरुण कांबळे, ए वाय अविनाश, ए बी बब्बन्नावर, प्रभाकर भुसी, राजू पिल्लीमनी, तांत्रिक विभागाचे रमेश अक्की आदींनी ही कारवाई केली.
या कारवाईत सहभागी पोलिसांना पोलीस आयुक्तांनी बक्षीस जाहीर केले आहे.
