Monday, July 15, 2024

/

मराठा सेवासंघातर्फे माईंड ‘पॉवर’ सेमिनार

 belgaum

बेळगाव लाईव्ह : विद्यार्थ्यांनी आभ्यासाची भीती मनातून काढून टाकल्यास यश निश्चित मिळते असे मत प्रसिध्द मांईंड ट्रेनर विनोद कुरडे (कोल्हापूर) यांनी व्यक्त केले. मराठा सेवा संघ बेळगांव तर्फे सैनिक भवन येळ्ळूर येथे प्रसिध्द मांईंड ट्रेनर शिवश्री विनोद कुरडे (कोल्हापूर) (माईंड ट्रेनर व मोटिवेशनल स्पिकर) यांचे विद्यार्थी व पालकांसाठी माईंड पॉवर सेमिनार आयोजित केले होते.

महाराष्ट्र हायस्कुल येळ्ळूर, चांगळेश्वरी हायस्कुल येळ्ळूर, शिवाजी विद्यालय येळ्ळूर, भावकेश्वरी हायस्कुल सुळगे येळ्ळूर, नेताजी हायस्कुल सुळगे येळ्ळूर, येळ्ळूरवाडी शाळा येळ्ळूर, मराठी मॉडेल स्कूल येळ्ळूर येथील मुख्याध्यापक, शिक्षक आणि विद्यार्थ्यांच्या उपस्थितीत सदर शिबिराचे आयोजन करण्यात आले होते.

कार्यक्रमाची सुरवात जिजाऊ पुजन व शिवपुजनाने झाली. बबन कानसीडे, बाबुराव मुरकुटे, भोगन, मोहन पाटील आदी प्रमुख अतिथी म्हणून उपस्थित होते. संघाचे अध्यक्ष किरण धामणेकर यांनी प्रास्ताविक केले. यावेळी संस्थेला देणगीदाखल दिलेल्या विविध वस्तुरूपी तसेच इतर स्वरूपातील मदतीबद्दल मान्यवरांचा सत्कार करण्यात आला.Maratha seva

यावेळी विनोद कुराडे यांनी विद्यार्थ्यांना मार्गदर्शन करताना, विद्यार्थांचा आत्मविश्वास, एकाग्रता, स्मरणशक्ती कशी वाढवावी, विद्यार्थी स्टेजवर येण्यासाठी का घाबरतात, परिक्षेत भरघोस यश मिळविण्यासाठी ध्येयनिश्चिती कशी करावी याबद्दल सांगितले.

यावेळी मराठा सेवा संघाचे पदाधिकारी, सभासद आणि विविध मान्यवर उपस्थित होते. अनिल हुंदरे यांनी सुत्रसंचलन तर नारायण सांगावकर यांनी आभार मानले.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.