Monday, July 15, 2024

/

जय किसान भाजी मार्केटला दुसरी नोटीस?

 belgaum

बेळगाव लाईव्ह : बेळगाव गांधीनगर येथील जय किसान भाजी मार्केटला महापालिकेने दुसरी नोटीस बजावली असल्याचे समजते. याबाबत व्यापारी आणि महापालिकेने मात्र दुजोरा दिलेला नाही.

जय किसान भाजी मार्केट व्यापारी संघटनेने किल्ला येथे नव्याने भाजी मार्केट सुरू केल्यामुळे तीन वर्षापासून हा विषय चर्चेचा बनला आहे. एपीएमसी येथील भाजी मार्केट व्यापाऱ्यांनी जय किसान भाजी मार्केट विरोधात जिल्हा प्रशासनाकडे वारंवार तक्रारी केल्या आहेत.

पालकमंत्री सतीश जारकीहोळी यांच्याकडेही तक्रार केली आहे. त्यामुळे महापालिकेने 5 ऑगस्ट रोजी नोटीस पाठवून भाजी मार्केटमध्ये परवाना नसलेले बांधकाम पाडण्याबाबत सूचना केली होती. पण जय किसान भाजी मार्केट संघटनेने सर्व बांधकाम परवानगी घेऊनच करण्यात आले असून नोटिशीला उत्तर देण्यात येईल, असे सांगितले होते.

पण महापालिकेने भाजी मार्केटला दुसरी नोटीस बजावली असल्याचे समजते. त्याबाबत व्यापाऱ्यांनी मात्र इन्कार केला आहे.Veg market

नेमका काय आहे दोन्ही भाजी मार्केट मधील वाद

किल्ला येथील व्होलसेल भाजी मार्केट कॅन्टोन्मेंट हद्दीत होते त्यांची लिज संपल्यामुळे आणि रहदारीला अडचण होत असल्याने जुन्या पी बी रोड वरील हे मार्केट व्यापारी संघटनेने गांधी नगर परिसरात सुरू करण्याचा निर्णय घेतला होता त्यानुसार संघटनेनं जागा देखील खरेदी केली होती दरम्यान बेळगाव ए पी एम सी ने आपल्या आवारातच नव्या व्होलसेल भाजी बांधकाम केले होते त्या ठिकाणी किल्ला भाजी मार्केटच्या व्यापाऱ्याना गाळे देण्याचे आश्वासन दिले होते पण जय किसान भाजी मार्केटच्या व्यापाऱ्यांनी गांधी नगर मार्केट आधीच मोठ्या प्रमाणात आर्थिक गुंतवणूक केली होती.

नवीन ए पी एम सी मार्केट मध्ये गाळे लिलावात त्यांना दूजाभाव झाल्याचा त्यांनी केला होता त्यानुसार दोन वर्षापूर्वी गांधी नगर परिसरात मार्केट सुरू केले होते त्याला महा पालिकेचा बांधकाम परवाना घेण्यात आला आहे पण दोन भाजी मार्केट मुळे ए पी एम सी व्यापाऱ्यांनी गांधी नगर मार्केट ला विरोध केला या शिवाय गांधी नगर जय किसान भाजी मार्केट मुळे ए पी एम सी मार्केट ला उतरती कळा लागली. जय किसान भाजी मार्केट विरोधात सगळीकडे चोवीस तक्रारी करण्यात आल्या आहेत.

महापालिकेने ज्या ठिकाणी बेकायदेशीर बांधकाम झाले आहे ते पाडवा अशी नोटीस बजावली आहे त्याला जय किसान मार्केट चालकांनी भाजी मार्केट मध्ये कोणतेही बेकायदेशीर बांधकाम झाले नाही असा दावा केला आहे.या दोन्ही भाजी मार्केटच्या वादात राजकीय वासही येत असल्याचे बोलले जात आहे त्यामुळे बेळगाव मनपा कोणती कारवाई करणार याकडे व्यापारी आणि शेतकऱ्यांचे लक्ष लागून राहिले आहे.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.