belgaum

बेळगावच्या अस्मिता क्रिएशन निर्मित “दडपण” या कर्नाटकातील पहिल्या मराठी चित्रपटाची मुक्तकंठाने प्रशंसा करत उत्तर कर्नाटक फिल्म चेंबर ऑफ कॉमर्सने सदर चित्रपटाला संपूर्ण कर्नाटकातील “सर्वोत्कृष्ट मराठी चित्रपट” हा पुरस्कार जाहीर केला आहे.

bg

धारवाड येथील उत्तर कर्नाटक फिल्म चेंबर ऑफ कॉमर्सने तशा आशयाचे पत्र काल बुधवारी अस्मिता क्रिएशन्स बेळगावचे संस्थापक, निर्माता राजेश गणपती लोहार यांना धाडले आहे. तुमच्या संघटनेतर्फे निर्मित “दडपण” या चित्रपटाची प्रेक्षकांकडून मोठ्या प्रमाणात प्रशंसा होत आहे.

खरोखर हा चित्रपट विद्यार्थी आणि पालकांमध्येच नव्हे तर सर्वसामान्य जनतेमध्ये मोठी जागृती निर्माण करत आहे. या चित्रपटामुळे निश्चितपणे विद्यार्थ्यांच्या आत्महत्यांना आळा बसेल आणि जागृती निर्माण होईल असे जनतेचे मत आहे.

आमच्या संघटनेकडून हा चित्रपट नोंदणीकृत आणि अधिकृत होत असल्याचा आम्हाला अभिमान आहे. त्याचप्रमाणे तुमचा दडपण हा चित्रपट संपूर्ण कर्नाटकातील पहिला मराठी चित्रपट आहे, याची घोषणा करतानाही आम्हाला खूप अभिमान वाटत आहे.

यासाठी आम्ही आमच्या फिल्म चेंबरतर्फे या चित्रपटाला गौरवण्याबरोबरच संपूर्ण कर्नाटकातील सर्वोत्कृष्ट मराठी चित्रपट म्हणून पुरस्कार जाहीर करत आहोत.

तसेच आम्ही येत्या रविवारी 20 ऑगस्ट रोजी बेळगावला येऊन पुरस्कार प्रदान करण्याद्वारे दडपण चित्रपटाच्या संपूर्ण टीमचा गौरव करणार आहोत, अशा आशयाचा तपशील उत्तर कर्नाटक फिल्म चेंबर ऑफ कॉमर्सच्या पत्रात नमूद आहे

 belgaum

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.