बेळगाव शहरातील सुप्रसिद्ध ज्येष्ठ कामगार नेते आणि माजी महापौर ॲड. नागेश सातेरी यांच्या वयाला 75 वर्षे पूर्ण झाल्या निमित्त त्यांच्या गौरवार्थ येत्या रविवार दि. 18 जून 2023 रोजी दुपारी 4:30 वाजता अमृत महोत्सव सोहळ्याचे आयोजन करण्यात आले आहे.
सदर सोहळा मराठा मंदिर, रेल्वे ओव्हर ब्रिज जवळ, खानापूर रोड येथे आयोजित करण्यात आला असून अध्यक्षस्थान ज्येष्ठ नेते लेखक व विचारवंत कॉम्रेड कृष्णा मणसे भूषवणार आहे.
याप्रसंगी प्रमुख पाहुणे म्हणून लेखक व ज्येष्ठ विचारवंत डॉ. आ. ह. साळुंखे यांच्यासह सन्माननीय पाहुणे म्हणून दै. तरुण भारतचे संपादक किरण ठाकूर, मध्यवर्ती महाराष्ट्र एकीकरण समितीचे अध्यक्ष दीपक दळवी, लेखक व कम्युनिस्ट पक्षाचे नेते डॉ. सिध्दनगौडा पाटील आणि बेळगाव बार असोसिएशनचे अध्यक्ष ॲड. प्रभू यतनट्टी हे उपस्थित राहणार आहेत.
तरी सर्वांनी सदर सोहळ्यास बहुसंख्येने उपस्थित रहावे, असे आवाहन ॲड. नागेश सातेरी अमृत महोत्सव सोहळा समितीतर्फे करण्यात आले आहे.