बेळगाव लाईव्ह : रोटरी क्लब ऑफ बेळगावच्या वतीने बसवनेप्पा मल्लाप्पा हवानी यांना “व्यावसायिक सेवा पुरस्कार-2023” ने सन्मानित केले. मेसॉनिक हॉल येथे नुकत्याच पार पडलेल्या कार्यक्रमात त्यांना हा पुरस्कार प्रदान करण्यात आला.
समाजसुधारक, प्रगतिशील शेतकरी असलेल्या बसवनेप्पा हवानी यांनी शिवालय मंदिराचे व्यवस्थापन पाहिले आहे. आपल्या मेहनतीने सर्व जबाबदाऱ्या पार पाडून शिवालय मंदिर, नवग्रह मंदिर आणि अनुभव मंटप यांचा जीर्णोद्धार केला.
आजपर्यंत त्यांनी अनेक सामाजिक, शैक्षणिक उपक्रम राबविले आहेत. गरीब आणि गरजू मुलांसाठी मोफत शिकवणी वर्ग, प्रत्येक आठवड्यात हिंदुस्तानी संगीताचे वर्ग, शनिवार व रविवार मार्शल आर्ट्स आणि योगाभ्यास वर्ग याचप्रमाणे विविध क्रीडा आणि सांस्कृतिक उपक्रम देखील त्यांनी राबविले आहेत.
विविध क्षेत्रात दिलेल्या अतुलनीय योगदानाबद्दल त्यांना या “व्यावसायिक सेवा पुरस्कार-2023” या पुरस्काराने सन्मानित करण्यात आले आहे.
