कॅपिटल वन सांस्कृतिक उपक्रमांतर्गत आयोजित मराठी एकांकिका स्पर्धेच्या दुसऱ्या दिवशी नाट्य कलाकारांनी आपल्या सादरीकरणांमध्ये विविध पैलूंवर प्रकाश झोत टाकणाऱ्या एकांकिका सादर केल्या.
दोन दिवस चाललेल्या या स्पर्धांना बेळगावकर नाट्य रसिकांनी देखील चांगला प्रतिसाद दिला दुसऱ्या दिवशीच्या नऊ एकांकिका सादरीकरणानंतर बक्षीस वितरणाचा सोहळा मान्यवरांच्या उपस्थितीत पार पडला .
याप्रसंगी संस्थेचे चेअरमन शिवाजी हंडे यांनी प्रास्ताविक आणि परीक्षकांचे स्वागत केले ते म्हणाले की कॅपिटल वन ही संस्था सहकार क्षेत्रात कार्यरत असून आपल्या दैनंदिन कामकाजा बरोबरच संस्थेने सामाजिक बांधिलकी जपत सांस्कृतिक क्षेत्रात या स्पर्धेच्या अनुषंगाने एक नाट्य चळवळ घडून आणली आहेत संस्थेला सार्थ अभिमान आहे. संस्थेने वेळोवेळी बदल घडवीत या स्पर्धेचे स्वरूपच बदलून टाकले आहे. निव्वळ आपल्या परिसरातून नवनवीन नाट्य कलाकार उदयास यावेत हा एकच हेतू उराशी बाळगून संस्थेने हे कार्य गेली अकरा वर्षे अखंडपणे अविरतपणे चालू ठेवले आहे.
संस्थेचे व्हा.चेअरमन शाम सुतार, डॉ संध्या देशपांडे,स्पर्धेचे परीक्षक देविदास अमोनकर, सुनील गुरव, राजीव जोशी हे उपस्थित होते. परीक्षक देविदास अमोलकर यांनी आपल्या भाषणात कॅपिटल वने उचललेल्या कार्याचा आढावा घेत ते पुढे म्हणाले की कॅपिटल मध्ये चालविलेले संस्कृती टिकविण्याचे आणि या नाट्य प्रपंचाला उभारी देण्याचे कार्य खरोखरच कौतुकास्पद आहे.
डॉ संध्या देशपांडे यांनी आपल्या भाषणात कॅपिटल वनने उभारलेल्या या नाट्य चळवळीमध्ये यापुढे देखील कालानुरूप बदल घडवीत या स्पर्धेचा दर्जा कसा वाढवता येईल त्याकडे देखील संस्था लक्ष देईल असे त्या म्हणाल्या याप्रसंगी संस्थेचे संचालक रामकुमार जोशी, शिवाजीराव अतिवाडकर, संजय चौगुले, शरद पाटील, सदानंद पाटील, भाग्यश्री जाधव, नंदा कांबळे, सुभाष सुठणकर, तसेच इतर मान्यवर, रसिक प्रेक्षक स्पर्धक उपस्थित होते
