गेल्या तीन दिवसापासून सुरू असलेल्या संततधार पावसामुळे बेळगाव शहर तालुका आणि खानापूर तालुक्यातील प्राथमिक माध्यमिक शाळांना व अंगणवाडी केंद्रांना सुट्टी देण्याची घोषणा जिल्हाधिकारी नितेश पाटील यांनी केली आहे.
बेळगाव जिल्हा माहिती खात्याला दिलेल्या प्रतिनिधी पत्रकात नितेश पाटील यांनी सोमवारी या शाळांना सुट्टीची घोषणा केली आहे
तीन दिवसापासून बेळगाव आणि खानापूर तालुक्यामध्ये मुसळधार पाऊस सुरू आहे त्या पार्श्वभूमीवर खबरदारी म्हणून जिल्हाधिकारी नितेश पाटील यांनी बेळगाव तालुका शहरातील खानापूर तालुक्यातील सर्व प्राथमिक आणि माध्यमिक शाळांना सोमवारी 8 आगष्ट रोजी सुट्टी देण्याची घोषणा केली आहे.
सोमवारी सकाळपासूनच जोरदार पावसाला सुरुवात झाल्याने बऱ्याच विद्यार्थ्यांनी शाळेला जाणे पसंत केले नव्हते याशिवाय सकाळी सुट्टीची घोषणा करण्यास उशीर केल्यामुळे बरेच विद्यार्थी शाळेकडे गेले आहेत आता सुट्टीची घोषणा झाल्याने ते घरी परतणार आहेत.
मंगळवारी मोहरम ची सुट्टी असल्याने आता विद्यार्थ्यांना बुधवारीच शाळेला लागणार आहे.गोल्फ कोर्स मैदाना परिसरातील जंगलात बिबट्याचा वावर असल्याने खबरदारी म्हणून रविवारी रात्रीच या परिसरातील 22 हून अधिक शाळांना सुट्टी देण्यात आली होती आता सोमवारी सकाळी सर्वात शाळांना सुट्टीचा आदेश बजावण्यात आला आहे.
