Tuesday, July 23, 2024

/

युवासेनेच्या वतीनं शिवसेनेचा वर्धापन दिन

 belgaum

शिवसेनेच्या 56 व्या वर्धापन दिनानिमित्त युवासेना सीमाभाग बेळगांवची महत्वाची बैठक पार पडली. यावेळी युवासैनिक व कार्यकर्त्यांनी छ. शिवाजी महाराज व शिवसेना प्रमुख दिवंगत बाळासाहेब ठाकरे यांना वंदन केले.

नाथ पै चौक, शहापूर येथील नेताजी भवन येथे शिवसेना युवासेना बेळगावची बैठक काल रविवारी पार पडली सदर बैठकीस स्थानिक युवासैनिकांसह खानापूर, भागातूनही कार्यकर्ते, युवासैनिकांचा उत्तम प्रतिसाद मिळाला.Yuva sena

प्रारंभी शिवरायांसह शिवसेनाप्रमुखांना आदरांजली वाहण्यात आली. यावेळी उपस्थित सर्व शिवसैनिक व युवासैनिकांनी बेळगावात मराठीचे महत्व व मराठी माणसाचा आवाज बुलंद करण्यासाठी सदैव प्रयत्नशील राहण्याचा निश्चय केला.

त्या अनुषंगाने मराठीतुन माहिती फलक कागदपत्रे मिळावी यासाठी येत्या 27 जून रोजी जिल्हाधिकारी कार्यालयावर काढण्यात येणाऱ्या मोर्च्यात जास्तीत जास्त प्रमाणात सहभागी व्हावे, असे आवाहन युवासेना सीमाभाग बेळगावतर्फे करण्यात आले.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.