Thursday, June 20, 2024

/

चर्चेचा विषय बनली ही रस्त्यावर गळफास लावलेली प्रतिकृती

 belgaum

राष्ट्रीय पातळीवर टीव्हीवरील चर्चेदरम्यान प्रेषित महंमद पैगंबर यांच्याबद्दल वादग्रस्त विधान करणाऱ्या नुपुर शर्मा यांच्या नावाचे स्टिकर असलेली प्रतिकृती फोर्ट रोड येथे भररस्त्यावर गळफास लावलेल्या अवस्थेत टांगण्यात आल्याचा प्रकार आज सकाळी निदर्शनास आला. तथापि पोलिसांनी गांभीर्याने दखल घेऊन वेळीच ती प्रतिकृती तात्काळ काढून टाकली.

नुपूर शर्मा या भारतीय जनता पक्षाच्या पूर्वाश्रमीच्या राष्ट्रीय प्रवक्ता आहेत. एका नव्या टीव्ही वाहिनीवर प्रेषित महंमद पैगंबर यांच्याबद्दल वादग्रस्त प्रतिक्रिया व्यक्त केल्याने त्यांना पक्षातून नुकतेच निलंबित करण्यात आले आहे.Nupur sharma

तथापि नुपूर शर्मा यांनी केलेल्या वादग्रस्त विधानाच्या निषेधार्थ कोणा अज्ञाताने शहरातील फोर्ट रोड या नेहमी गजबजलेल्या रस्त्यावर त्यांची प्रतिकृती फासावर लटकलेल्या अवस्थेत टांगून ठेवली होती.

 belgaum

रस्त्यावरून ये-जा करणाऱ्यांचे लक्ष वेधून घेणारा हा प्रकार चर्चेचा विषय बनला होता. मात्र पोलिसांना याची माहिती मिळताच त्यांनी ती प्रतिकृती तात्काळ तेथून हटविली.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.