Sunday, July 14, 2024

/

‘या’ प्रकाराला आळा घालण्याची मागणी

 belgaum

खडेबाजार येथील शितल हॉटेल शेजारी असलेल्या एका मंदिरानजीक आसपासचे नागरिक कचरा टाकत असल्यामुळे तीव्र नाराजी व्यक्त होत असून या गैरप्रकाराला तात्काळ आळा घालण्याची मागणी होत आहे.

खडेबाजार मार्गावर शितल हॉटेल नजीक एक हिंदू मंदिर आहे. गेल्या कित्येक वर्षापासून या ठिकाणी असलेल्या सदर मंदिरानजीक अलीकडे आसपासचे नागरिकांनी आणि दुकानदाराकडून दररोज कचरा टाकण्याचा प्रकार केला जातो. यामुळे या ठिकाणी कायम अस्वच्छता निर्माण झालेली असते.Garbage

दररोज टाकण्यात येणाऱ्या कचऱ्यामुळे पसरलेल्या अस्वच्छतेने मंदिराचे पावित्र्यही धोक्यात आले आहे. खुल्यावर मंदिराशेजारी कचरा टाकण्याच्या या प्रकाराकडे महापालिकेच्या स्वच्छता अधिकार्‍यांचेही दुर्लक्ष होत आहे. तरी स्थानिक लोकप्रतिनिधींसह महापालिकेच्या वरिष्ठ अधिकाऱ्यांनी याकडे गांभीर्याने लक्ष द्यावे.

तसेच संबंधित मंदिराचे पावित्र्य जपण्यासाठी योग्य ती कारवाई करून कचरा टाकण्याच्या प्रकाराला तात्काळ आळा घालावा, अशी मागणी जागरुक नागरिकांसह भाजप एससी मोर्चा कार्यकारी समितीचे सदस्य पृथ्वीसिंग यांनी केली आहे.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.