बेळगावच्या गोगटे इन्स्टिट्युट ऑफ टेक्नॉलॉजीच्या सिव्हील इंजिनियरिंग विभागाच्या अंतिम वर्षातील विद्यार्थ्यांनी विद्यार्थ्यांनी अभ्यास दौऱ्या अंतर्गत लेह मनाली महामार्गावरील अटल बोगद्याला भेट दिली.या भेटीसाठी ए आय सी टी ई कडून दोन लाखाचे अनुदान देण्यात आले होते.
गोगटे इन्स्टिट्युट ऑफ टेक्नॉलॉजीचे डॉ.विकास गिंगिने आणि सिव्हील इंजिनियरिंग विभाग प्रमुख डॉ.विनायक मुतालिक देसाई यांच्या नेतृत्वाखाली या अभ्यास भेटीचे आयोजन करण्यात आले होते.
अंतिम वर्षाच्या दहा विद्यार्थ्यांची या अभ्यास आणि पाहणी दौऱ्यासाठी निवड करण्यात आली होती
अटल बोगदा हा एक अभियांत्रिकी चमत्कार असून लेह मनाली महामार्गावर रोहतांग खिंडी खाली या बोगद्याची निर्मिती करण्यात आली आहे.
या बोगद्याचा वापर बाराही महिने कोणत्याही हवामानात करता येतो.या बोगद्याच्या निर्मितीमुळे मनाली आणि लेह मधील अंतर कमी झाले असून प्रवासाला लागणारा वेळही कमी झाला आहे.
या बोगद्याच्या बांधकामाची वैशिष्ट्ये ,त्यामधे वापरण्यात आलेले अत्याधुनिक तंत्रज्ञान,वापरण्यात आलेले साहित्य,निर्मितीच्या वेळी उदभवलेल्या समस्या या सगळ्याची माहिती विद्यार्थ्यांना अटल बोगदा भेटी दरम्यान डॉ.विकास गिनगिने आणि डॉ.विनायक मुतालिक देसाई यांनी विद्यार्थ्यांना दिली .गोगटे इन्स्टिट्युट ऑफ टेक्नॉलॉजीचे प्राचार्य डॉ.जयंत कितुर यांनी अभ्यास दौऱ्याबद्दल विद्यार्थ्यांचे अभिनंदन केले आहे.
