Thursday, March 28, 2024

/

बॅलेट पेपरद्वारे घ्याव्यात आगामी निवडणुका : राष्ट्रवादी काँग्रेस

 belgaum

आगामी जिल्हा आणि तालुका पंचायत निवडणुकीसह विधानसभा लोकसभा आदी सर्व निवडणुका यापुढे बॅलेट पेपरच्या माध्यमातून घेतल्या जाव्यात. तसेच अलीकडेच राजद्रोहासह अन्य गुन्हे दाखल करून अटक करण्यात आलेल्या निरपराधी युवक आणि विद्यार्थ्यांवरील गुन्हे मागे घेऊन त्यांची निर्दोष मुक्तता करावी, अशी मागणी राष्ट्रवादी काँग्रेस पक्षाच्या बेळगाव जिल्हा शाखेने केली आहे.

राष्ट्रवादी काँग्रेस पक्षाचे बेळगाव जिल्हाध्यक्ष अमोल किरण देसाई यांच्या नेतृत्वाखाली उपरोक्त मागण्यांचे निवेदन जिल्हाधिकाऱ्यांना सादर करण्यात आले. जिल्हाधिकाऱ्यांच्या सहाय्यकांनी निवेदनाचा स्वीकार करून योग्य ती कार्यवाही करण्याचे आश्वासन दिले. अलीकडेच शहरातील कांही निरपराध युवक आणि विद्यार्थ्यांवर राजद्रोहासह इतर गुन्हे दाखल करून अटक करण्यात आली आहे.

परिणामी कारागृहात डांबलेल्या या सर्वांच्या भविष्याचा प्रश्न निर्माण झाला आहे. तेंव्हा या निरपराध युवक आणि विद्यार्थ्यांवरील गुन्हे मागे घेऊन त्यांची निर्दोष मुक्तता केली जावी ही मागणी करण्याबरोबरच आगामी जिल्हा आणि तालुका पंचायत निवडणुकीसह विधानसभा लोकसभा आदी सर्व निवडणुका यापुढे बॅलेट पेपरच्या माध्यमातून घेतल्या जाव्यात, अशी मागणी आम्ही निवडणूक आयोग आणि जिल्हाधिकाऱ्यांकडे केली आहे, अशी माहिती जिल्हाध्यक्ष अमोल देसाई यांनी पत्रकारांना दिली.

 belgaum

निवेदन सादर करतेवेळी देसाई यांच्यासह शिवाजी लाड, दुर्गेश मेत्री, रणजित शिंदे, विनायक पाटील आदींसह राष्ट्रवादी काँग्रेसचे अन्य पदाधिकारी व सदस्य उपस्थित होते.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.