भोज (ता. निपाणी) गावचे सुपुत्र जवान विनय बाबासाहेब भोजे -पाटील यांचे सैन्य दलात सेवा बजावताना काल सोमवारी हृदयविकाराच्या झटक्याने निधन झाले.
मूळचे भोज गावचे असले तरी तिळवणी (ता. हातकणंगले) येथे वास्तव्यास असणाऱ्या विनय भोजे -पाटील निधनसमयी 37 वर्षाचे होते. सध्या ते जम्मू-काश्मीर येथे सेवा बजावत होते
गेल्या कांही दिवसांपासून जम्मू-काश्मीरमध्ये प्रचंड थंडी पडत असून थंडीबरोबरच बर्फाळ प्रदेशामुळे विनय यांचा ऑक्सिजन कमी झाला आणि त्यातच सेवा बजावताना हृदयविकाराचा झटका येऊन त्यांचे निधन झाले.
विनय भोजे -पाटील हे येत्या मार्च 2022 ला सैन्य दलातून सेवानिवृत्त होणार होते. परंतु दुर्दैवाने ते आधीच काळाने त्यांच्यावर घाला घातल्यामुळे भोज -भोजवाडी परिसरात हळहळ व्यक्त होत आहे.
