belgaum

महाराष्ट्र एकीकरण समिती वर बंदी घाला या मागणीसाठी आयोजित करण्यात येत असलेला उद्याचा कर्नाटक बंद मागे घेण्यात आला आहे. या बंदचे पुरस्कर्ते आणि कन्नड कार्यकर्ते वाटाळ नागराज यांनी उद्याचा बंद रद्द करण्यात आला असल्याची माहिती जाहीर केली आहे.

कोणत्याही परिस्थितीत 31 डिसेंबर रोजी बंद होऊ नये. या दृष्टीने प्रयत्न सुरू होते .कर्नाटकातील विविध कन्नड संघटनांनीही बंदला विरोध केला होता या संदर्भात मुख्यमंत्री बसवराज बोम्मई यांनी आज एक बैठक बोलावली होती. त्या बैठकीत स्वतः वाटाळ नागराज यांना बोलावून चर्चा करण्यात आली असता हा बंद मागे घेण्याचा निर्णय घेण्यात आला. असल्याची माहिती उपलब्ध झाली आहे .

त्यामुळे वर्षाच्या अखेरीला 31 डिसेंबरला कोणत्याही स्वरूपात कर्नाटक बंद होणार नाही. हे निश्चित बनले आहे. व्यापारी आणि व्यावसायिकांनी त्यामुळे सुटकेचा निश्वास सोडला आहे.

31 डिसेंबरला मोठ्या प्रमाणात हॉटेल्स व इतर ठिकाणी गर्दी होत असते. ही गर्दी आणि त्यातून होणारा नफा मिळविण्याच्या दृष्टीने अनेक कन्नड संघटनांनी या बंदला विरोध केला होता.

व्यापाऱ्यांच्या बाजूने विचार करा अशी भूमिका काही कन्नड संघटनांनी मांडली होती. मात्र वाटाळ नागराज आपल्या भूमिकेवर अडून बसले होते. आता त्यांनी मुख्यमंत्र्यांशी चर्चा केल्यानंतर माघार घेतली आहे.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.